Jeremias 20:9

Ang Biblia 2011

Kon ako moingon, “Dili ako maghisgot kaniya, o magsulti pa sa iyang ngalan,” ania sa akong kasingkasing ang sama sa nagdilaab nga kalayo nga natakpan sulod sa akong mga bukog, ug ako gikapoyan sa pagpugong niini ug dili na makaantos.

Cross References

Salmo 39:3

ang akong kasingkasing nag-init sa sulod nako. Samtang namalandong ako, midilaab ang kalayo; unya misulti ako uban sa akong dila:

Jeremias 23:29

Dili ba ang akong pulong sama sa kalayo? nag-ingon ang Ginoo, ug sama sa martilyo nga modugmok sa bato?

Jeremias 23:9

Mahitungod sa mga propeta: Ang akong kasingkasing nadugmok sa sulod nako, ang tanan nako nga mga bukog nangurog; ako sama sa usa ka tawo nga hubog, sama sa usa ka tawo nga gidaog sa bino, tungod sa Ginoo ug tungod sa iyang balaan nga mga pulong.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Jeremias 6:11

Busa ako napuno sa kaligutgot sa Ginoo; gikapoyan na ako sa pagpugong niini. “Ibubo kini nganha sa mga kabataan diha sa kadalanan, ug nganha sa mga batan-ong lalaki usab; ang bana ug ang asawa kuhaon, ang tigulang ug ang mga tigulang na kaayo.

Ezequiel 3:14

Busa gibayaw ako sa Espiritu ug gidala ako sa layo ug ako nahiadto uban ang kapaitan, diha sa kainit sa akong espiritu, ingon nga ang kamot sa Ginoo bug-at sa ibabaw nako.

Ezequiel 3:3

Ug siya miingon kanako, “Anak sa tawo, kan-a kining linukot nga basahon nga akong gihatag kanimo ug busga ang imong tiyan niini.” Unya mikaon ako niini ug kini sama ka tam-is sa dugos diha sa akong baba.

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Jonas 1:2

“Lakaw ngadto sa Ninibe, kanang dakong siyudad, ug singgit batok niini, kay ang ilang pagkadaotan midangat sa akong atubangan.”

Jonas 1:3

Apan si Jonas miikyas hinuon paingon sa Tarsis, gikan sa atubangan sa Ginoo. Siya miadto sa Jopa ug nakakita ug usa ka barko paingon sa Tarsis, busa mibayad siya sa pliti ug misakay aron sa pag-adto uban kanila ngadto sa Tarsis, gikan sa atubangan sa Ginoo.

Lucas 9:62

Si Jesus miingon kaniya, “Walay tawo nga magkupot sa daro ug molingi sa mga butang nga anaa sa luyo nga angayan sa gingharian sa Dios.”

Mga Buhat 17:16

Samtang si Pablo nagpaabot kanila didto sa Atenas, ang iyang espiritu sa sulod niya nasuko sa iyang pagkakita nga ang siyudad napuno sa mga diosdios.

Mga Buhat 18:5

Sa pag-abot ni Silas ug ni Timoteo gikan sa Macedonia, si Pablo naggahin na sa tanan niyang panahon sa pagwali, sa pagpamatuod ngadto sa mga Judio nga ang Cristo mao si Jesus.

Mga Buhat 4:20

kay kami dili makapugong sa pagsulti mahitungod sa among nakita ug nadungog.”