Jeremias 20:5

Ang Biblia 2011

Dugang pa, akong ihatag ang tanang bahandi niining siyudad, ang tanang ganansiya niini, ang tanang mga bililhon nga butang niini ug ang tanang mga bahandi sa mga hari sa Juda ngadto sa mga kamot sa ilang mga kaaway nga manglungkab kanila ug modakop kanila ug magdala kanila ngadto sa Babilonia.

Cross References

2 Cronicas 36:10

Sa tingpamulak niadtong tuiga, si Hari Nabucodonosor misugo, ug gidala siya ngadto sa Babilonia uban sa mga bililhong galamiton sa balay sa Ginoo, ug si Zedekias nga iyang igsoon gihimong hari sa Juda ug sa Jerusalem.

Isaias 39:6

Tan-awa, ang mga adlaw nagsingabot nga ang tanan nga anaa sa imong balay, ug ang gipangtigom sa imong katigulangan hangtod niining adlawa dad-on ngadto sa Babilonia. Walay mahibilin, nag-ingon ang Ginoo.

Jeremias 12:12

Diha sa tibuok hawan nga kabungtoran sa kamingawan, ang mga tiglaglag nangabot; kay ang espada sa Ginoo milamoy gikan sa usa ka tumoy sa yuta ngadto sa pikas sa yuta; walay usa nga adunay kalinaw.

Jeremias 15:13

“Ang imong katigayonan ug ang imong mga bahandi ihatag nako ingon nga inilog nga walay bili, alang sa tanan nimong mga sala, sa tibuok nimong dapit.

Jeremias 17:3

sa kabukiran diha sa hawan nga kapatagan. Ihatag nako ang imong katigayonan ug ang tanan nimong mga bahandi aron ipailog ingon nga bili sa imong sala, sa tibuok nimong kayutaan.

Jeremias 3:24

“Apan gikan sa among pagkabatan-on ang butang nga makauulaw naglamoy sa tanan nga gihagoan sa among mga amahan, ang ilang mga panon sa karnero, ang ilang mga baka, ang ilang mga anak nga lalaki ug ang ilang mga anak nga babaye.

Jeremias 32:24

Tan-awa, ang mga bundo alang sa pagsulong miabot sa siyudad aron sa pagkuha niini, ug tungod sa espada ug sa gutom ug sa kamatay, ang siyudad gitugyan ngadto sa kamot sa mga Caldeanhon nga nakig-away batok niini. Ang imong gisulti nahitabo gayod, ug tan-awa, nakita nimo kini.

Jeremias 39:2

Sa ikanapulo ug usa nga tuig ni Zedekias, sa ikaupat nga bulan, sa ikasiyam nga adlaw sa bulan, nabuslotan ang siyudad.

Jeremias 39:8

Gisunog sa mga Caldeahanon ang balay sa hari, ug ang mga balay sa katawhan ug gitumpag ang mga paril sa Jerusalem.

Jeremias 4:20

Ang katalagman nagsunod sa katalagman, ang tibuok nga yuta nalaglag. Sa kalit ang akong mga tolda nangalumpag, ang akong mga tabil sa usa lamang ka pagpamilok.

Mga Pagbangotan 1:10

Ang kaaway nagtuyhad sa iyang mga kamot ibabaw sa tanan niyang nga bililhong mga butang; Oo, nakita niya ang mga nasod nga misulod sa iyang balaang puluy-anan, kadtong gidid-an nimo sa pagsulod sa imong tigom.

Mga Pagbangotan 1:7

Ang Jerusalem nahinumdom diha sa mga adlaw sa iyang kagul-anan ug sa iyang paglatagaw, sa tanang mga butang nga iyang nahuptan sukad sa unang mga adlaw. Sa diha nga nahulog ang iyang katawhan sa kamot sa kaaway, ug walay mitabang kaniya, ang kaaway mitan-aw nga nagbiaybiay kaniya diha sa iyang pagkahulog.

Mga Pagbangotan 4:12

Ang mga hari sa yuta wala motuo, o si bisan kinsa nga nagpuyo sa kalibotan, nga ang kabatok o ang kaaway makasulod sa mga ganghaan sa Jerusalem.

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.