Jeremias 20:4

Ang Biblia 2011

Kay mao kini ang giingon sa Ginoo: Tan-awa, buhaton ko ikaw nga kalisangan sa imong kaugalingon ug sa tanan nimong mga higala. Sila mangapukan pinaagi sa espada sa ilang mga kaaway samtang ikaw magtan-aw. Ug akong ihatag ang tibuok nga Juda ngadto sa mga kamot sa hari sa Babilonia, ug iyang dad-on sila nga binihag ngadto sa Babilonia, ug pamatyon sila didto pinaagi sa espada.

Cross References

2 Mga Hari 25:7

Ug ilang gipamatay ang mga anak nga lalaki ni Zedekias diha sa iyang atubangan ug gilugit ang mga mata ni Zedekias ug gigapos siya ug kadena, ug gidala siya ngadto sa Babilonia.

Salmo 73:19

Naunsa ba nga sila nangalaglag man sa kalit, nangaanod sa hilabihang mga kalisang!

Jeremias 13:10

Kining daotang katawhan, nga nagdumili sa pagpamati sa akong mga pulong, nga mapugsanon nga nagsunod sa ilang kasingkasing ug nagsunod sa laing mga dios aron sa pag-alagad kanila ug sa pagsimba kanila, mahisama niining bakos, nga dili na magpulos alang sa bisan unsa.

Jeremias 13:19

Ang mga lungsod sa Negeb natakpan, ug walay usa nga makaabli kanila; ang tibuok Juda gidala ngadto sa pagkabihag, nahurot pagkabihag.

Jeremias 19:15

“Mao kini ang giingon sa Ginoo sa mga panon, ang Dios sa Israel: Nagpadala ako niining siyudara ug sa tanang mga lungsod niini, sa tanang kadaot nga akong gibungat batok niini tungod kay gipatikig nila ang ilang mga liog, nagdumili sa pagpamati sa akong mga pulong.”

Jeremias 20:6

Ug ikaw Pasur, ug ang tanang nagpuyo sa imong balay bihagon; ikaw moadto sa Babilonia ug adto ikaw mamatay ug adto ikaw ilubong, ikaw ug ang tanan nimong mga higala nga imong gipropesiyahan ug bakak.”

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 29:21

Mao kini ang giingon sa Ginoo sa mga panon, ang Dios sa Israel, mahitungod kang Ahab nga anak ni Kolaias, ug kang Zedekias nga anak ni Maaseias, nga nagpropesiya ug bakak nganha kaninyo sa akong ngalan: Ako magtugyan kanila ngadto sa kamot ni Nabucodonosor nga hari sa Babilonia ug patyon niya sila sa atubangan sa inyong mga mata.

Jeremias 46:5

Ngano nga nakita man ako niini! Sila nangalisang ug namalik; Ang ilang mga mangggugubat nangabuntog ug nanagan; wala sila molingi sa luyo, ang kalisang anaa sa tanang dapit! nag-ingon ang Ginoo.

Jeremias 52:24

Unya ang kapitan sa mga bantay mikuha kang Seraias nga pangulong pari ug kang Zefanias nga ikaduhang pari ug sa tulo ka tigbantay sa pultahan.

Jeremias 52:27

Ug sila gitigbas sa hari sa Babilonia ug gipamatay didto sa Ribla sa yuta sa Hamat. Busa ang Juda gidala nga binihag gikan sa kaugalingon niining yuta.

Jeremias 6:25

Ayaw pag-adto sa uma, ayaw paglakaw diha sa dalan, kay ang kaaway adunay espada, ang kalisang anaa sa matag kilid.

1 Samuel 2:33

Ang usa kaninyo nga dili nako kuhaon gikan sa akong halaran, ilikay nako sa mga paghilak ug sa kagul-anan ug ang tanan nga sakop sa imong panimalay mamatay pinaagi sa espada.