Jeremias 20:2

Ang Biblia 2011

Unya gibun-og ni Pasur si Jeremias nga propeta ug gibutang siya sa bilanggoan nga nahimutang sa taas nga Ganghaan ni Benjamin sa balay sa Ginoo.

Cross References

1 Mga Hari 13:4

Ug sa pagkadungog sa hari sa gipamulong sa tawo sa Dios nga iyang gisinggit batok sa halaran sa Betel, gituyhad ni Jeroboam ang iyang kamot gikan sa halaran, nga nag-ingon, “Dakpa ninyo siya.” Ug ang iyang kamot nga iyang gituyhad batok sa propeta migahi nga tungod niana dili na niya kini mapiko pagbalik.

1 Mga Hari 22:27

ug ingna, ‘Mao kini ang gisulti sa hari, “Ibutang kining tawhana sa bilanggoan ug hatagi lamang siya ug gamayng pan ug diyotayng tubig, hangtod sa akong pagbalik nga malinawon.” ’ ”

2 Cronicas 16:10

Unya si Asa nasuko sa propeta ug gibalhog siya sa bilanggoan kay kini nasuko kaniya tungod niining butanga. Ug gipahiagom ni Asa sa kabangis ang ubang katawhan sa maong panahon.

2 Cronicas 18:23

Unya si Zedekias nga anak ni Kenaana miduol ug gisagpa si Micaias sa aping ug miingon, “Diin bang dapita nga ang Espiritu sa Ginoo mibiya gikan kanako aron sa pagpakigsulti kanimo?”

2 Cronicas 24:21

Apan sila nagsabotsabot sa tago batok kaniya ug sa sugo sa hari ilang gilabay siya ug mga bato diha sa hawanan sa balay sa Ginoo.

Job 13:27

Gibutang usab nimo sa balhogan ang akong mga tiil, ug gibantayan ang tanan nakong agianan; imong gibutangan ug utlanan ang lapalapa sa akong mga tiil.

Job 33:11

gibutang niya ang akong mga tiil sa mga balhogan, ug gibantayan ang akong mga agianan.’

Jeremias 1:19

Ug sila makig-away batok kanimo, apan sila dili modaog batok kanimo, kay ako mag-uban kanimo sa pagluwas kanimo, nag-ingon ang Ginoo.”

Jeremias 26:10

Sa pagkadungog sa mga pangulo sa Juda niining mga butanga, sila mitungas gikan sa balay sa hari ngadto sa balay sa Ginoo ug milingkod sila sa atubangan sa Bag-ong Ganghaan sa balay sa Ginoo.

Jeremias 26:8

Sa diha nga nahuman si Jeremias sa pagsulti kanila sa tanang gisugo sa Ginoo nga isulti sa tibuok katawhan, ang mga pari ug ang mga propeta ug ang tibuok katawhan midakop kaniya, nga nag-ingon, “Mamatay gayod ikaw!

Jeremias 29:26

‘Ang Ginoo naghimo kanimo nga pari puli kang Jehoiada nga pari, aron magdumala sa balay sa Ginoo, ibabaw sa tanang tawo nga buang nga nagpropesiya, ug bilanggoon siya.

Jeremias 36:26

Ug ang hari misugo kang Jerameel nga anak sa hari ug kang Seraias nga anak ni Asriel ug kang Selemias nga anak ni Abdeel aron pagdakop kang Baruk nga sekretaryo ug kang Jeremias nga propeta, apan gitagoan sila sa Ginoo.

Jeremias 37:13

Sa didto na siya sa Ganghaan ni Benjamin, ang usa ka kapitan sa mga bantay didto nga ginganlan ug Irias nga anak ni Selemias nga anak ni Ananias midakop kang Jeremias nga propeta, nga nag-ingon, “Ikaw mobiya ngadto sa mga Caldeanhon.”

Jeremias 37:21

Busa si Hari Zedekias misugo, ug ilang gitugyan si Jeremias ngadto sa hawanan sa mga bantay; ug usa ka haon nga pan ang gihatag kaniya matag adlaw gikan sa dalan sa mga tigbuhat ug pan, hangtod nga ang tanang pan sa siyudad nahurot. Busa si Jeremias nagpabilin sa hawanan sa mga bantay.

Zacarias 14:10

Ang tibuok nga yuta mahimong patag gikan sa Geba hangtod sa Rimon sa habagatan sa Jerusalem, apan ang Jerusalem magpabilin nga habog diha sa nahimutangan niini, gikan sa Ganghaan ni Benjamin ngadto sa dapit sa unang ganghaan, ngadto sa Eskina nga Ganghaan, ug gikan sa Tore ni Hananel ngadto sa mga pigsanan sa ubas sa hari.

Mateo 21:35

Apan ang iyang mga ulipon gidakop sa mga saop ug ilang gibunalan ang usa ug ilang gipatay ang usa ug ang usa ilang gibato.

Mga Buhat 4:3

Busa gidakop nila sila ug gibutang sa bilanggoan hangtod sa pagkasunod adlaw, kay gabii na man kadto.

Mga Buhat 5:18

ug ilang gidakop ang mga apostoles ug gibutang sa bilanggoan sa lungsod.

Mga Buhat 5:40

Busa sila mipatuo sa iyang tambag, ug sa natawag na nila ang mga apostoles, gipalatos nila sila ug gipahimangnoan nga dili na gayod mosulti pinaagi sa ngalan ni Jesus, ug gibuhian sila.

Mga Buhat 7:52

Kinsa ba sa mga propeta ang wala lutosa sa inyong mga katigulangan? Ug ilang gipamatay ang mga nagpropesiya mahitungod sa pag-anhi sa Matarong nga inyo karong gibudhian ug gipatay,

Gipadayag 17:6

Ug akong nakita ang babaye nga nahubog sa dugo sa mga balaan ug sa dugo sa mga gipamatay nga mga saksi ni Jesus. Sa akong pagkakita kaniya dako kaayo ang akong kahibulong.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.