Jeremias 20:18

Ang Biblia 2011

Ngano nga migula man ako gikan sa taguangkan aron sa pagtan-aw sa kabudlay ug sa kasubo, ug pagtapos sa akong mga adlaw diha sa kaulawan?

Cross References

1 Mga Hari 19:4

Apan siya gayod mipanaw ug balig usa ka adlaw ngadto sa kamingawan, ug miadto ug milingkod sa ilalom sa usa ka kahoy nga enebro, ug siya nangayo nga siya mamatay unta ug miingon, “Igo na; karon, O Ginoo, kuhaa ang akong kinabuhi, kay ako dili man maayo kay sa akong katigulangan.”

Job 14:1

“Ang tawo nga nahimugso gikan sa usa ka babaye, diyotay ra ug mga adlaw ug puno sa kasamok.

Job 14:13

O tagoan unta nimo ako didto sa Sheol, nga imo unta akong tagoan hangtod nga ang imong kaligutgot molabay, nga imo unta akong tagalan ug panahon, ug hinumdoman ako!

Job 3:20

“Ngano nga ang kahayag gihatag man kaniya nga anaa sa kaalaot, ug ang kinabuhi ngadto sa kalag nga anaa sa kapait,

Job 5:7

apan ang tawo nahimugso ngadto sa kasakit sama sa aligato ngadto sa itaas.

Salmo 102:3

Kay ang akong mga adlaw nangahanaw sama sa aso, ug ang akong kabukogan nagdilaab sama sa hudno.

Salmo 69:19

Ikaw nahibalo sa pagpakaulaw kanako, ug sa akong kaulawan, ug sa akong pagkatinamay; ang tanan nakong mga kaaway anaa sa imong atubangan.

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Isaias 51:7

“Pamati kanako, kamo nga nahibalo sa pagkamatarong, ang katawhan nga sa ilang kasingkasing anaa ang akong balaod; ayaw ninyo kahadloki ang pagtamay sa mga tawo, o mangaluya kamo tungod sa ilang mga pagbiaybiay.

Jeremias 15:10

Alaot ako, inahan ko, nga imo akong gipanganak, usa ka tawo sa pagpakiglalis ug sa pagpakigbisog sa tibuok nga yuta! Ako wala magpahulam, o manghulam, apan silang tanan nagtunglo kanako.

Jeremias 15:18

Ngano ba nga ang akong kasakit walay paghunong, ang akong samad walay kaayohan, nagdumili sa pagkaayo? Mahimo ba ikaw alang kanako nga sama sa usa ka malimbongon nga sapa, sama sa katubigan nga mohubas?

Jeremias 3:25

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Jeremias 8:18

Ang akong kasubo dili gayod mahupay, ang akong kasingkasing luya sa sulod nako.

Mga Pagbangotan 1:12

“Wala bay bili kini kaninyo, kamong tanan nga nangagi? Tan-awa ug sutaa kon aduna bay kasubo nga sama sa akong kasubo nga gipadangat kanako, nga gipadangat sa Ginoo kanako sa adlaw sa iyang bangis nga kasuko.

Mga Pagbangotan 3:1

Ako mao ang tawo nga nakakita sa kasakitan ilalom sa bunal sa iyang kapungot;

Habacuc 1:3

Ngano nga gipakita nimo kanako ang kasal-anan ug ikaw nagtan-aw sa kasamok? Ang pagkalaglag ug ang pagpanglupig ania sa akong atubangan; ang kagubot ug ang panagbingkil mitungha.

Juan 16:20

Sa pagkatinuod gayod, sultihan ko kamo, nga kamo manghilak ug magbangutan apan ang kalibotan maglipay. Kamo masubo apan ang inyong kasubo mahimong kalipay.

Mga Buhat 5:41

Ug gikan sa atubangan sa Sanhedrin, sila mibiya nga nagmalipayon kay giisip sila nga takos nga moantos sa kaulawan tungod sa iyang ngalan.

2 Timoteo 1:12

ug mao kana ang hinungdan ngano nga nag-antos ako sa ingon. Apan wala nako kini ikaulaw, kay ako nakaila kinsa ang akong gituohan ug ako nagtuo gayod nga hangtod niadto unyang adlawa siya makahimo pagbantay sa gipiyal kanako.

Mga Hebreo 10:36

Kay kamo nagkinahanglan ug pailob, aron kamo makatuman sa kabubut-on sa Dios ug makadawat sa gisaad.

Mga Hebreo 11:36

Ang uban nag-antos sa mga pagbiaybiay ug mga bunal, ug bisan pa gani sa mga gapos ug sa mga pagbilanggo.

Mga Hebreo 12:2

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.

Mga Hebreo 13:13

Busa mangadto kita kaniya sa gawas sa kampo, nga magpas-an sa mga pagtamay kaniya.