Jeremias 20:12

Ang Biblia 2011

O Ginoo sa mga panon, nga nagsulay sa mga matarong, nga nagsud-ong sa kasingkasing ug sa hunahuna, pakitaa ako sa imong pagpanimalos kanila, kay kanimo gitugyan nako ang akong kahimtang.

Cross References

2 Cronicas 24:22

Busa si Joas nga hari wala mahinumdom sa kaayo nga gipakita kaniya ni Jehoiada nga amahan ni Zacarias, apan gipatay ang iyang anak. Ug sa dayong pagkamatay niya, siya miingon, “Ang Ginoo makakita unta niini ug manimalos!”

Salmo 11:5

Ang Ginoo nagsulay sa matarong ug sa daotan, ug ang iyang kalag nagdumot niadtong nahigugma sa pagpanglupig.

Salmo 139:23

Susiha ako, O Dios, ug hibaloi ang akong kasingkasing! Sulayi ako ug hibaloi ang akong mga hunahuna!

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Salmo 54:7

Kay giluwas niya ako gikan sa tanan nga kasamok, ug ang akong mata nakakita sa kadaogan batok sa akong mga kaaway.

Salmo 58:10

Ang matarong maglipay sa dihang makita niya ang panimalos; manghugas siya sa iyang mga tiil diha sa dugo sa mga daotan.

Salmo 59:10

Ang akong Dios uban sa iyang gugmang walay paglubad moanhi kanako; ang akong Dios magpakita kanako sa kadaogan batok sa akong mga kaaway.

Salmo 62:8

Salig kamo kaniya sa tanan nga panahon, mga katawhan; ibubo ninyo ang inyong kasingkasing sa atubangan niya; ang Dios mao ang dalangpanan alang kanato. Selah

Salmo 7:9

O laglaga ang kadaotan sa mga daotan, apan patindoga ang matarong, ikaw, ang Dios nga matarong, nagsusi sa mga hunahuna ug sa mga kasingkasing.

Salmo 86:4

Lipaya ang kalag sa imong alagad kay kanimo, O Ginoo, gibayaw nako ang akong kalag.

Isaias 37:14

Nadawat ni Hesekias ang sulat gikan sa kamot sa mga sinugo, ug gibasa kini, ug si Hesekias misaka ngadto sa balay sa Ginoo, ug gibuklad niya kini sa atubangan sa Ginoo.

Isaias 38:14

Sama sa sayaw o talabong, ako nag-agulo, nag-agulo sama sa usa ka salampati. Ang akong mga mata naluya sa pagtan-aw sa itaas. O Ginoo, ako gidaogdaog; mahimo unta ikaw nga saliganan nako!

Jeremias 11:20

Apan, O Ginoo sa mga panon, nga naghukom diha sa katarong, nga nagsulay sa kasingkasing ug sa hunahuna, pakitaa ako sa imong pagpanimalos kanila, kay kanimo gitugyan nako ang akong katungod.

Jeremias 12:8

Ang akong panulundon nahimo alang kanako nga sama sa usa ka liyon sa lasang, siya mingulob batok kanako, busa gidumtan nako siya.

Jeremias 17:10

“Ako, ang Ginoo, nagsusi sa hunahuna, ug nagsulay sa kasingkasing, sa paghatag sa tanang tawo sumala sa iyang mga pamaagi, sumala sa bunga sa iyang mga buhat.”

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.

1 Pedro 4:19

Busa sila nga nag-antos sumala sa pagbuot sa Dios kinahanglang magbuhat ug maayo ug magtugyan sa ilang mga kalag ngadto sa usa ka magbubuhat nga kasaligan.

Gipadayag 18:20

Paglipay kamo tungod kaniya, O kalangitan, O mga balaan ug mga apostoles ug mga propeta, kay alang kaninyo gipakanaog na sa Dios ang hukom batok kaniya!”

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.

Gipadayag 6:10

Ug sila nagsinggit sa kusog nga tingog nga nag-ingon, “O Ginoo, balaan ug matuod, hangtod kanus-a ba nga ikaw dili magsilot ug manimalos sa mga nagpuyo sa yuta tungod sa among dugo?”

1 Samuel 1:15

Apan si Hana mitubag, “Dili, akong agalon. Ako usa ka babaye nga may gikagul-an pag-ayo. Wala ako makainom ug bino o isog nga ilimnon, kondili akong gibubo ang akong kagul-anan diha sa Ginoo.