Biblia Todo Logo
Cross References

- Mga paanunsiyo -



Jeremias 20:10

Ang Biblia 2011

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Tan-awa ang kapitulo Kopyaha

35 Cross References  

Unya si Jesebel nagpadala ug usa ka sulugoon ngadto kang Elias nga nag-ingon, “Buhaton unta sa mga dios kanako, ug labaw pa usab, kon dili nako mahimo ang imong kinabuhi nga sama sa kinabuhi sa usa kanila sa pagkaugma ingon niining taknaa.”

Si Ahab miingon kang Elias, “Nakaplagan ba nimo ako, O akong kaaway?” Ug siya mitubag, “Nakaplagan ko ikaw, tungod kay gibaligya nimo ang imong kaugalingon sa pagbuhat niadtong daotan diha sa panan-aw sa Ginoo.

ug ingna, ‘Mao kini ang gisulti sa hari, “Ibutang kining tawhana sa bilanggoan ug hatagi lamang siya ug gamayng pan ug diyotayng tubig, hangtod sa akong pagbalik nga malinawon.” ’ ”

Ug ang hari sa Israel miingon kang Jehosafat, “Ania pay usa ka tawo nga pinaagi kaniya magpakisayod kita mahitungod sa Ginoo, si Micaias nga anak ni Imla, apan nagdumot ako kaniya, kay wala siya magpropesiya ug maayo mahitungod kanako, kondili daotan.” Ug si Jehosafat miingon, “Dili unta magsulti ang hari sa ingon.”

Ang tanan nakong suod nga higala nasilag kanako, ug kadtong tanan nga akong gihigugma nakigbatok kanako.

Nadungog nako ang paghuhungihong sa daghan— kahadlok sa matag daplin!— samtang naghiusa sila sa pagsabot batok kanako, samtang naglaraw sila sa pagkuha sa akong kinabuhi.

Apan nagsalig ako kanimo, O Ginoo; ako nag-ingon, “Ikaw mao ang akong Dios.”

Apan ikaw, O Ginoo, kaluy-i ako ug patindoga ako, aron panimaslan nako sila.

Bisan ang akong suod nga higala nga akong gisaligan, nga nagkaon sa akong pan, nag-isa sa iyang tikod batok kanako.

Ang akong kalag ania taliwala sa mga liyon nga mga tumutukob sa mga anak sa tawo; ang ilang mga ngipon mga bangkaw ug mga udyong ug ang ilang dila mga hait nga espada.

Siya nga nagtago sa pagdumot adunay bakakon nga mga ngabil, ug siya nga nagsulti ug usa ka butangbutang usa ka buangbuang.

nga pinaagi sa pulong naghimo sa tawo nga sad-an, ug nagbutang ug usa ka lit-ag alang niadtong nagbadlong diha sa ganghaan, ug nagpasimang sa matarong tungod sa usa ka butang nga walay hinungdan.

Ug sila makig-away batok kanimo, apan sila dili modaog batok kanimo, kay ako mag-uban kanimo sa pagluwas kanimo, nag-ingon ang Ginoo.”

Apan ako sama sa usa ka malumo nga nating karnero nga gidala ngadto sa ihawan. Wala ako masayod nga batok kanako sila naglaraw, nga nag-ingon, “Atong laglagon ang kahoy uban ang bunga niini, putlon nato siya gikan sa yuta sa mga buhi, aron ang iyang ngalan dili na mahinumdoman.”

Busa mao kini ang giingon sa Ginoo mahitungod sa mga tawo sa Anatot, nga nagtinguha sa imong kinabuhi nga nag-ingon, “Ayaw pagpropesiya pinaagi sa ngalan sa Ginoo aron dili ikaw mamatay pinaagi sa among kamot.”

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Sa pagkaugma, sa dihang gibuhian ni Pasur si Jeremias gikan sa bilanggoan, si Jeremias miingon kaniya, “Ang Ginoo wala magtawag sa imong ngalan nga Pasur, kondili Kalisangan sa tanang dapit.

Sa didto na siya sa Ganghaan ni Benjamin, ang usa ka kapitan sa mga bantay didto nga ginganlan ug Irias nga anak ni Selemias nga anak ni Ananias midakop kang Jeremias nga propeta, nga nag-ingon, “Ikaw mobiya ngadto sa mga Caldeanhon.”

Ayaw pag-adto sa uma, ayaw paglakaw diha sa dalan, kay ang kaaway adunay espada, ang kalisang anaa sa matag kilid.

Adunay mga tawo diha kanimo nga nagbutangbutang aron sa pagpaagas ug dugo, ug may mga tawo diha kanimo nga nagkaon ibabaw sa kabukiran. Ang mga tawo nagbuhat ug law-ay diha sa imong taliwala.

Unya ang mga pangulo ug ang mga tinugyanan naninguha sa pagpangita ug kapasikaran alang sa sumbong batok kang Daniel mahitungod sa gingharian, apan sila wala makakita ug kapasikaran alang sa sumbong o sayop kay siya matinumanon man ug walay sayop o kalapasan nga nakita diha kaniya.

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Ug dili usab sila makapamatuod kanimo mahitungod sa mga butang nga ila karong gisumbong batok kanako.

Sa pagkadungog nila niini, sila nangasuko ug buot nga mopatay kanila.

Unya sa ilang pagkadungog niining mga butanga, sila nangasuko ug nagpakagot sa ilang mga ngipon batok kang Esteban.




Sunda kami:

Mga paanunsiyo


Mga paanunsiyo