Jeremias 2:8

Ang Biblia 2011

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Cross References

1 Mga Hari 18:22

Unya si Elias miingon ngadto sa katawhan, “Ako, ako na lamang ang nahibilin nga propeta sa Ginoo, apan ang mga propeta ni Baal 450 ka tawo.

1 Mga Hari 18:29

Ug sa dihang milabay na ang kaudtohon, sila nagpadayon hangtod sa panahon sa paghalad sa haponong halad apan walay tingog, walay bisan usa nga mitubag, walay bisan usa nga nagtagad.

1 Mga Hari 18:40

Ug si Elias miingon kanila, “Dakpa ang mga propeta ni Baal ayaw paikyasa ang bisan usa kanila.” Ug gidakop nila sila ug gidala sila ni Elias ngadto sa sapa sa Kison ug gipamatay sila didto.

Job 35:10

Apan walay nag-ingon, ‘Hain ba ang Dios nga akong Magbubuhat, nga naghatag ug mga awit diha sa kagabhion,

Isaias 28:7

Kini usab sila nagsamparay tungod sa bino ug nagsusapinday tungod sa isog nga ilimnon; ang pari ug ang propeta nagsamparay tungod sa isog nga ilimnon, sila nangalibog tungod sa bino, sila nagsusapinday tungod sa isog nga ilimnon; sila nangasayop diha sa panan-aw, sila nangapandol diha sa paghukom.

Isaias 29:10

Kay ang Ginoo nagbubo ibabaw kaninyo ug espiritu sa paghinanok; ug nagpapiyong sa inyong mga mata, kamong mga propeta, ug nagtabon sa inyong mga ulo, kamong mga tigpanagna.

Isaias 30:5

silang tanan maulawan tungod sa usa ka katawhan nga dili magpulos kanila, nga dili magdala ug tabang o kaayohan, kondili kaulaw ug pagtamay.”

Jeremias 10:21

Kay ang mga tigbantay sa karnero mga hungog, ug wala magpakisayod sa Ginoo; busa sila wala mouswag, ug ang tanan nilang mga panon nagkatibulaag.

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 2:11

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Jeremias 2:6

Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Jeremias 7:8

“Tan-awa, kamo nagsalig sa bakakong mga pulong nga walay kapuslanan.

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Ezequiel 22:26

Ang iyang mga pari naglapas sa akong balaod ug nagpasipala sa akong mga balaang butang. Wala sila magbutang ug kalainan sa balaan ug sa kasarangan, o magtudlo sila sa kalainan sa hugaw ug sa hinlo, ug wala sila magtamod sa akong mga adlawng igpapahulay mao nga ako gipasipalahan diha sa ilang taliwala.

Ezequiel 34:2

“Anak sa tawo, pagpropesiya batok sa mga tigbantay sa mga karnero sa Israel, pagpropesiya ug sulti kanila, ngadto sa mga tigbantay sa mga karnero, Mao kini ang giingon sa Ginoong Dios: Alaot kamong mga tigbantay sa mga karnero nga nagpakaon hinuon sa inyong kaugalingon! Dili ba nga ang mga tigbantay sa mga karnero magpasibsib man sa mga karnero?

Oseas 4:6

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Habacuc 2:18

Unsa ang kapuslanan sa diosdios kon ang tighimo nagkulit niini, sa tinunaw nga larawan, magtutudlo sa kabakakan? Kay ang tighimo nagsalig sa iyang kaugalingong binuhat sa dihang naghimo siya ug mga amang nga diosdios!

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?

Lucas 11:52

Alaot kamong mga batid sa Balaod, kay inyong gikuha ang yawi sa kahibalo. Kamo mismo wala mosulod niini ug ang mga nanulod niini inyong gibabagan.”

Juan 16:3

Ug kini ilang buhaton tungod kay wala man sila makaila sa Amahan o kanako.

Juan 8:55

Apan wala kamo makaila kaniya; ako nakaila kaniya. Kon nag-ingon pa ako nga ako wala makaila kaniya, bakakon unta ako sama kaninyo. Apan ako nakaila kaniya ug nagtuman sa iyang pulong.

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

Deuteronomio 33:10

Sila magtudlo kang Jacob sa imong mga tulumanon, ug sa imong Balaod sa Israel; magbutang sila ug insenso sa imong atubangan, ug tibuok nga halad nga sunogon sa ibabaw sa imong halaran.

1 Samuel 12:21

Ug ayaw kamo pagsimang ngadto sa walay hinungdan nga mga butang nga dili makahatag ug kaayohan o makaluwas kay kini walay kapuslanan.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.