Jeremias 2:7

Ang Biblia 2011

Ug gidala ko kamo ngadto sa usa ka mabungahon nga yuta, aron sa pagpahimulos sa bunga niini ug sa mga maayong butang niini. Apan sa dihang misulod kamo, inyong gihugawan ang akong yuta, ug gihimo ninyo ang akong panulundon nga usa ka dulumtanan.

Cross References

Nehemias 9:25

Ug ilang gipanguha ang mga siyudad nga kinutaan ug ang tabunok nga yuta ug gipanag-iya ang mga balay nga puno sa mga maayong butang, mga tangke nga kinalot, mga kaparasan, mga kaolibohan ug daghang kaprutasan. Busa nangaon sila ug nangabusog, ug nanambok ug nalipay sa ilang kaugalingon tungod sa imong dakong kaayo.

Nehemias 9:26

“Bisan pa niana sila nagmasupilon ug misukol batok kanimo ug gisalikway sa ilang likod ang imong balaod ug gipamatay ang imong mga propeta nga nagpasidaan kanila aron sa pagpabalik kanila nganha kanimo ug sila nagbuhat ug dagkong pagpasipala.

Isaias 19:25

nga gipanalanginan sa Ginoo sa mga panon, nga nag-ingon, “Bulahan ang Ehipto nga akong katawhan, ug ang Asiria nga buhat sa akong mga kamot, ug ang Israel nga akong panulundon.”

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Jeremias 3:2

Iyahat ang imong mga mata ngadto sa mga hawan nga kahitas-an, ug tan-awa! Diin ba ikaw nga wala dulogi sa paghigda? Sa kadalanan ikaw milingkod nga nagpaabot sa mga hinigugma sama sa usa ka Arabo diha sa kamingawan. Imong gihugawan ang yuta pinaagi sa imong mga pagpakighilawas ug pagkadaotan.

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Jeremias 32:23

ug sila misulod ug nanag-iya niini. Apan wala sila motuman sa imong tingog o maglakaw subay sa imong Balaod. Wala sila magbuhat sa tanan nga gisugo nimo kanila nga buhaton. Busa gihimo nimo kining tanan nga kadaotan nga moabot kanila.

Jeremias 32:30

Kay ang mga anak sa Israel ug ang mga anak sa Juda walay laing gibuhat kondili daotan sa akong panan-aw sukad sa ilang pagkabatan-on. Ang mga anak sa Israel walay laing nahimo kondili ang paghagit kanako sa pagkasuko pinaagi sa buhat sa ilang mga kamot, nag-ingon ang Ginoo.

Ezequiel 20:24

tungod kay wala sila magtuman sa akong mga tulumanon, hinuon nagsalikway sa akong mga lagda ug nagpasipala sa akong mga adlawng igpapahulay, ug ang ilang mga mata nagsunod sa mga diosdios sa ilang katigulangan.

Ezequiel 20:28

Kay sa diha nga gidala nako sila ngadto sa yuta nga akong gipanumpa nga ihatag kanila, sa diha nga sila nakakita ug habog nga bungtod o kahoy nga labong ug dahon, sila naghimo didto sa ilang mga paghalad, ug didto nagdulot sa ilang halad nga mahagiton. Didto gipautbo usab nila ang ilang humot nga halad ug didto gibubo ang ilang mga halad nga ilimnon.

Ezequiel 20:6

Niadtong adlawa ako nanumpa kanila nga dad-on nako sila gikan sa yuta sa Ehipto, ngadto sa usa ka yuta nga akong nasusi alang kanila, yuta diin nag-agas ang gatas ug dugos, ang labing mahimayaon sa tanang mga yuta.

Ezequiel 23:35

Busa mao kini ang giingon sa Ginoong Dios: Tungod kay ikaw nalimot kanako, ug gisalikway nimo ako sa imong likod, busa antosa ang mga sangpotanan sa imong kalaw-ay ug pagkamakihilawason.”

Ezequiel 36:17

“Anak sa tawo, sa diha nga nagpuyo pa ang balay sa Israel sa kaugalingon nilang yuta, ila kining gihugawan pinaagi sa ilang mga pamaagi ug sa ilang mga buhat. Ang ilang gawi diha sa akong atubangan sama sa kahugaw sa babaye panahon sa iyang pagkahugaw.

Oseas 9:3

Sila dili magpabilin sa yuta sa Ginoo; apan ang Efraim mobalik ngadto sa Ehipto, ug sila magkaon sa hugaw nga pagkaon didto sa Asiria.

Miqueas 2:10

Tindog kamo ug lakaw, kay kini dili mao ang inyong pahulayanan; tungod sa kahugawan nga naglaglag uban sa hilabihan nga pagkalaglag.

Numeros 13:27

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Deuteronomio 21:23

ang iyang lawas kinahanglan dili magpabilin sa kahoy sa tibuok gabii, apan ilubong ninyo siya nianang maong adlaw kay ang tawong gibitay tinunglo sa Dios. Ayaw hugawi ang inyong yuta nga gihatag kaninyo sa Ginoo nga inyong Dios ingon nga panulundon.

Deuteronomio 32:9

Kay ang bahin sa Ginoo mao ang iyang katawhan, si Jacob ang pahat nga iyang panulundon.

Deuteronomio 6:18

Ug buhata ninyo ang matarong ug ang maayo diha sa panan-aw sa Ginoo aron mamaayo ang inyong kahimtang ug nga aron makasulod kamo ug makapanag-iya sa yuta nga maayo nga gipanumpa sa Ginoo ngadto sa inyong katigulangan,