Jeremias 2:6

Ang Biblia 2011

Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Cross References

2 Mga Hari 2:14

Ug iyang gikuha ang kupo ni Elias nga nahulog gikan kaniya ug gihampak ang tubig ug miingon, “Hain man ang Ginoo, ang Dios ni Elias?” Ug sa paghampak niya sa tubig, nabahin kini ug si Eliseo mitabok.

Job 3:5

Himoa nga ang kangiob ug ang hilabihan nga kangitngit mag-angkon niini. Papuy-a ang panganod ibabaw niini; ipalisang kini sa kaitom sa adlaw.

Job 35:10

Apan walay nag-ingon, ‘Hain ba ang Dios nga akong Magbubuhat, nga naghatag ug mga awit diha sa kagabhion,

Salmo 23:4

Bisan ug maglakaw ako latas sa walog sa landong sa kamatayon, dili ako mahadlok sa bisan unsang daotan; kay ikaw uban man kanako; ang imong bunal ug sungkod, naghupay kanako.

Salmo 77:5

Gihandom nako ang mga adlaw sa karaang panahon, gihinumdoman nako ang katuigan sa karaang panahon.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Isaias 64:7

Walay usa nga nagtawag sa imong ngalan, nga nagpadasig sa iyang kaugalingon aron sa pagkupot kanimo; kay gitagoan man nimo ang imong nawong gikan kanamo, ug gitugyan kami ngadto sa among kasal-anan.

Jeremias 13:16

Himayaa ang Ginoo nga imong Dios sa dili pa siya magpadala ug kangitngit, sa dili pa mapandol ang inyong mga tiil sa ngiob nga kabukiran, ug samtang mangita kamo sa kahayag, iya kining gihimo nga kangitngit, ug gihimo kini nga hilabihang kangitngit.

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 5:12

Sila nagsulti ug bakak mahitungod sa Ginoo ug miingon, ‘Wala siyay buhaton, walay kadaot nga modangat kanato o makasinati kita ug espada o gutom.

Jeremias 5:2

Bisan pa ug sila miingon, “Ingon nga ang Ginoo buhi,” sa gihapon sila nanumpa ug bakak.

Jeremias 51:43

Ang iyang mga siyudad nangahimong kalisangan, yuta sa hulaw ug kamingawan, yuta nga walay tawo nga nagpuyo, ug walay anak sa tawo nga moagi niini.

Oseas 12:13

Pinaagi sa usa ka propeta gidala sa Ginoo si Israel gikan sa Ehipto, ug pinaagi sa usa ka propeta siya giluwas.

Oseas 13:4

Bisan pa niana ako mao ang Ginoo nga imong Dios gikan sa yuta sa Ehipto; ikaw walay Dios nga nailhan kondili ako lamang ug gawas kanako walay manluluwas.

Amos 2:10

Gikuha ko usab kamo gikan sa yuta sa Ehipto, ug ako nagdala kaninyo sulod sa 40 ka tuig didto sa kamingawan, aron sa pagpanag-iya sa yuta sa Amorihanon.

Mateo 4:16

ang mga tawo nga nagpuyo taliwala sa kangitngit nakakita ug dakong kahayag, ug kanila nga nagpuyo sa yuta ug sa landong sa kamatayon midan-ag ang kahayag.”

Deuteronomio 1:19

“Unya mipanaw kita gikan sa Horeb ug milatas niadtong tanang dagko ug makalilisang nga kamingawan nga inyong nakita didto sa dalan sa kabungtoran sa mga Amorihanon, sumala sa gisugo sa Ginoo nga atong Dios kanato ug miabot kita sa Kades-barnea.

Deuteronomio 32:10

“Iyang nakaplagan siya didto sa yuta nga kamingawan ug sa hawan ug makalilisang nga kamingawan. iyang gipanalipdan siya, iyang giatiman siya, iyang gibantayan siya ingon nga kalimutaw sa iyang mata.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

Mga Maghuhukom 6:13

Ug si Gideon miingon kaniya, “O akong agalon, kon ang Ginoo nag-uban kanamo, ngano nga nahitabo man kining tanan kanamo? Ug hain na man ang tanan niyang mga katingalahang buhat nga gisugilon kanamo sa among mga ginikanan nga nag-ingon, ‘Wala ba ang Ginoo magkuha kanamo gikan sa Ehipto?’ Apan karon ang Ginoo nagsalikway kanamo ug nagtugyan kanamo ngadto sa kamot sa Midian.”