Jeremias 2:34

Ang Biblia 2011

Sa imong mga saya usab nakit-an ang dugo sa mga kabos nga walay sala; wala nimo sila masakpi nga nanglungkab. Apan bisan pa niining tanan

Cross References

2 Mga Hari 21:16

Dugang pa, si Manases nag-ula sa daghan kaayong dugo sa mga walay sala, hangtod nga napuno niya ang Jerusalem gikan sa usa ka daplin ngadto sa pikas, gawas sa sala nga nakapahimo sa Juda sa pagpakasala nga tungod niana sila nagbuhat ug daotan sa mga mata sa Ginoo.

2 Mga Hari 24:4

ug tungod usab sa dugo sa mga walay sala nga iyang giula; kay iyang gipuno ang Jerusalem sa dugo sa mga walay sala, ug ang Ginoo dili gayod mopasaylo niini.

Exodo 22:1

“Kon ang usa ka tawo mangawat ug baka o karnero ug ihawon niya kini o ibaligya, kinahanglan nga mobayad siya ug lima ka baka alang sa usa ka baka, ug upat ka karnero alang sa usa ka karnero. Ang kawatan mag-uli sa hingpit gayod, kon wala gayod siyay mahimo, ibaligya siya alang sa iyang nakawat.

Exodo 22:2

Kon ang kawatan maabtan nga nanglungkab ug gikulata unya mamatay, walay pakasad-on sa iyang dugo.

Isaias 57:5

nga nagdilaab sa kaulag ilalom sa mga dagkong kahoy, ilalom sa matag lunhaw nga kahoy; nga nagpatay sa inyong kabataan diha sa mga walog, ilalom sa mga pangpang nga kabatoan?

Isaias 59:3

Kay ang inyong mga kamot nahugawan sa dugo, ug ang inyong mga tudlo nahugawan sa kasal-anan; ang inyong mga ngabil nagsulti ug bakak, ang inyong dila naglitok ug mga kangil-aran.

Isaias 59:7

Ang ilang mga tiil managan padulong sa kadaotan, ug sila magdali sa pagpaagas sa dugo sa walay sala; ang ilang mga hunahuna, hunahuna sa kasal-anan, kasub-anan ug kalaglagan anaa sa ilang mga dalan.

Jeremias 19:4

Tungod kay ang katawhan mibiya kanako ug naghugawhugaw niining dapita pinaagi sa pagsunog ug insenso alang sa laing mga dios nga wala mailhi nila ug sa ilang mga katigulangan ug sa mga hari sa Juda, ug tungod kay kining dapita gipuno nila sa dugo sa mga walay sala,

Jeremias 2:33

“Pagkaayo gayod nimong mopahigayon sa pagpangita ug mga hinigugma! Bisan ngadto sa daotang mga babaye ikaw nagtudlo sa imong mga pamaagi.

Jeremias 6:15

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Jeremias 7:31

Ug ilang gitukod ang habog nga dapit sa Tofet nga atua sa walog sa anak ni Hinom, aron sa pagsunog diha sa kalayo sa ilang mga anak nga lalaki ug sa ilang mga anak nga babaye, nga wala nako isugo o mosantop sa akong hunahuna.

Jeremias 7:6

kon kamo dili manaogdaog sa langyaw, sa mga wala nay amahan ug sa biyuda, o magpaagas ug dugo sa walay sala niining dapita, ug kon dili kamo magsunod sa laing mga dios alang sa inyong kaugalingong kadaotan,

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Mga Pagbangotan 1:9

Ang iyang kahugaw anaa sa iyang mga bisti, siya wala maghunahuna sa iyang kaalaotan; busa ang iyang pagkahulog makalilisang, siya walay maglilipay. “O Ginoo, sud-onga ang akong kagul-anan, kay ang kaaway nagmadaogon!”

Mga Pagbangotan 4:14

Sila nagsuroysuroy nga daw mga buta diha sa kadalanan, nagkahugaw pag-ayo sa dugo nga walay makahikap sa ilang mga bisti.

Ezequiel 20:31

Ug sa diha nga naghatag kamo sa inyong mga gasa ug naghalad sa inyong mga anak diha sa kalayo, gihugawan ninyo ang inyong kaugalingon pinaagi sa tanan ninyong mga diosdios bisan hangtod niining adlawa, ug pakisayran ba diay ako ninyo, O balay sa Israel? Ingon nga ako buhi, nag-ingon ang Ginoong Dios, ako dili gayod mapakisayran ninyo.

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Ezequiel 23:45

Apan ang matarong nga mga tawo magpahamtang ug hukom kanila, sa hukom sa usa ka mananapaw nga babaye ug sa hukom sa mga babaye nga nag-ula ug dugo, tungod kay sila mananapaw nga mga babaye ug ang dugo anaa sa ilang mga kamot.”

Ezequiel 24:7

Kay ang dugo nga iyang giula anaa sa iyang taliwala; iya kining gipahimutang ibabaw sa bato; wala kini iyabo sa yuta aron tabonan kini sa abog.

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’