Jeremias 2:32

Ang Biblia 2011

Malimot ba ang usa ka ulay sa iyang mga dayandayan, o ang usa ka pangasaw-onon sa iyang bisti? Apan ang akong katawhan nalimot kanako sa mga adlaw nga dili maihap.

Cross References

Genesis 24:22

Sa diha nga nakahuman na ug pag-inom ang mga kamilyo, ang sulugoon mikuha ug usa ka ariyos nga bulawan nga nagtimbang ug tunga sa siklo ug duha ka pulseras alang sa iyang mga bukton nga nagtimbang ug napulo ka siklo nga bulawan.

Genesis 24:30

Sa pagpakakita niya sa ariyos ug sa mga pulseras diha sa mga bukton sa iyang igsoon nga babaye, ug sa pagpakadungog niya sa mga pulong ni Rebecca nga iyang igsoon, “Mao kini ang gisulti kanako sa tawo,” siya miadto kaniya, iyang nakita siya didto sa tuboran uban sa mga kamilyo.

Genesis 24:53

Ug ang sulogoon mipagawas sa mga alahas nga plata ug mga alahas nga bulawan ug mga bisti ug kini gihatag kang Rebecca. Mihatag usab siya ug mga mahalong butang ngadto sa igsoon nga lalaki ug sa inahan ni Rebecca.

2 Samuel 1:24

“Kamo nga mga anak nga babaye sa Israel, panghilak kamo alang kang Saul, nga nagpabisti kaninyo sa pula nga maanindot kaayo, nga nagtaod ug mga dayandayan nga bulawan sa inyong bisti.

Salmo 106:21

Gikalimtan nila ang Dios nga ilang Manluluwas, nga nagbuhat ug mga dagkong butang didto sa Ehipto,

Salmo 9:17

Ang mga daotan mangadto sa Sheol, ang tanang nasod nga nalimot sa Dios.

Isaias 17:10

Kay gikalimtan ninyo ang Dios sa inyong kaluwasan, ug wala hinumdomi ang Bato nga inyong dalangpanan; busa bisan nagtanom ikaw ug matahom nga mga tanom ug nagpahiluna ug mga sanga sa laing dios,

Isaias 57:11

Kinsa man ang imong gikahadlokan ug gikalisangan nga namakak man ikaw, ug wala mahinumdom kanako, wala maghunahuna kanako? Wala ba ako magpakahilom bisan sa taas nga panahon, ug tungod niana ikaw wala mahadlok kanako?

Isaias 61:10

Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.

Jeremias 13:10

Kining daotang katawhan, nga nagdumili sa pagpamati sa akong mga pulong, nga mapugsanon nga nagsunod sa ilang kasingkasing ug nagsunod sa laing mga dios aron sa pag-alagad kanila ug sa pagsimba kanila, mahisama niining bakos, nga dili na magpulos alang sa bisan unsa.

Jeremias 13:25

Mao kini ang gitakda kanimo, ang bahin nga akong gitakos kanimo, nag-ingon ang Ginoo, tungod kay nalimot ikaw kanako ug misalig sa kabakakan.

Jeremias 18:15

Apan ang akong katawhan nangalimot kanako, sila nagsunog ug insenso ngadto sa mga mini nga dios; sila nangapandol diha sa ilang mga agianan, sa mga karaang dalan, ug nangadto sa gagmayng mga dalan, dili sa dakong dalan,

Jeremias 2:11

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Jeremias 2:33

“Pagkaayo gayod nimong mopahigayon sa pagpangita ug mga hinigugma! Bisan ngadto sa daotang mga babaye ikaw nagtudlo sa imong mga pamaagi.

Jeremias 23:27

nga naghunahuna sa paghimo sa akong katawhan nga malimot sa akong ngalan pinaagi sa ilang mga damgo nga ilang gisulti sa matag usa, ingon nga ang ilang mga katigulangan nangalimot sa akong ngalan tungod sa Baal?

Jeremias 3:21

Nadungog ang usa ka tingog sa kabungtoran, ang paghilak ug mga pangaliyupo sa mga anak sa Israel, tungod kay gipasukwahi nila ang ilang dalan, sila nalimot sa Ginoo nga ilang Dios.

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Oseas 8:14

Ang Israel nalimot sa iyang Magbubuhat ug nagtukod ug mga palasyo; ug ang Juda nagpadaghan sa mga siyudad nga kinutaan, apan magpadala ako ug kalayo nganha sa iyang mga siyudad, ug kini maglamoy sa mga salipdanan niini.

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Gipadayag 21:2

Ug nakita nako ang balaang siyudad, ang bag-ong Jerusalem, nga nanaog gikan sa langit gikan sa Dios, inandam sama sa usa ka pangasaw-onon nga gidayandayanan alang sa iyang pamanhonon.

Mga Maghuhukom 8:34

Ug ang katawhan sa Israel wala mahinumdom sa Ginoo nga ilang Dios nga nagluwas kanila gikan sa kamot sa tanan nilang mga kaaway sa bisan diin nga dapit.