Jeremias 2:31

Ang Biblia 2011

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Cross References

1 Mga Hari 11:22

Apan ang Paraon miingon kaniya, “Unsay nakulang nimo uban kanako nga nagtinguha man ikaw sa pag-adto sa imong kaugalingong yuta?” Ug siya miingon, “Wala, apan pagikana lamang ako.”

2 Cronicas 31:10

Ug si Asarias nga pangulong pari gikan sa balay ni Zadok mitubag kaniya, “Sukad nga ang katawhan misugod sa pagdala sa mga halad ngadto sa balay sa Ginoo, kita nakakaon ug may igo pa, ug daghan pa ang nahibilin, kay ang Ginoo nagpanalangin sa iyang katawhan mao nga aduna kitay daghang nahibilin.”

Job 21:14

Sila nag-ingon sa Dios, ‘Pahawa gikan kanamo! Wala kami magtinguha sa kahibalo mahitungod sa imong mga dalan.

Salmo 10:4

Tungod sa garbo sa iyang pagbati ang daotan wala mangita kaniya; ang tanan niyang panghunahuna, “Walay Dios.”

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Mga Panultihon 30:9

kay tingali unya ug ako mabusog, ug maglimod kanimo, ug mag-ingon, “Kinsa ba ang Ginoo?” o tingali unya ug mahimo akong kabos ug mangawat, ug magpasipala sa ngalan sa akong Dios.

Isaias 45:19

Ako wala mosulti sa tago, diha sa usa ka yuta sa kangitngit. Ako wala mag-ingon sa kaliwat ni Jacob, ‘Pangitaa ninyo ako sa kasamok.’ Ako, ang Ginoo, nagsulti sa kamatuoran, ako nagpahayag sa matarong.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 2:25

Pagbantay nga ang imong mga tiil dili mahuboan ug ang imong tutunlan dili uhawon. Apan ikaw miingon, ‘Kawang lamang, kay ako nahigugma sa mga langyaw, ug ako moadto sa pagsunod kanila.’

Jeremias 5:5

Ako moadto sa mga dagkong tawo, ug mosulti kanila; kay sila nahibalo sa dalan sa Ginoo, sa Balaod sa ilang Dios.” Apan silang tanan managsamang mibali sa yugo, ilang gipamugto ang mga gapos.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Ezequiel 14:5

aron makuptan nako ang kasingkasing sa balay sa Israel nga nahimulag kanako tungod sa ilang mga diosdios.

Oseas 13:6

Sa diha nga sila nakakaon na pag-ayo, nangabusog sila, ug gibayaw ang ilang kasingkasing, busa sila nalimot kanako.

Amos 1:1

Ang mga pulong ni Amos nga usa sa mga tigbantay sa karnero sa Tekoa, nga iyang nakita mahitungod sa Israel sa mga adlaw ni Uzias nga hari sa Juda ug sa mga adlaw ni Jeroboam nga anak ni Joas nga hari sa Israel, duha ka tuig sa wala pa ang linog.

Miqueas 6:9

Ang tingog sa Ginoo nagtuaw ngadto sa siyudad— ug kaalam ang pagkahadlok sa imong ngalan, “Pamati, O banay ug katilingban sa siyudad!

1 Mga Taga-Corinto 4:8

Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!

Deuteronomio 31:20

Kay sa diha nga madala na nako sila ngadto sa yuta, diin nag-agas ang gatas ug dugos, nga gipanumpa nako nga ihatag sa ilang katigulangan, ug sa makakaon na sila ug mabusog ug manambok, sila moadto sa laing mga dios ug mag-alagad kanila ug magtamay kanako ug maglapas sa akong kasabotan.

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Deuteronomio 32:18

Wala nimo hinumdomi ang Bato nga nagpakatawo kanimo ug imong gikalimtan ang Dios nga naghatag kanimo ug kinabuhi.