Jeremias 2:3

Ang Biblia 2011

Ang Israel balaan alang sa Ginoo, ang unang bunga sa iyang abot. Ang tanan nga mikaon niini nahimong sad-an; ang kadaotan midangat kanila, nag-ingon ang Ginoo.”

Cross References

Exodo 22:29

“Ayaw langana sa paghatag ang inyong mga halad gikan sa kadagaya sa inyong mga abot ug gikan sa mga inawas sa inyong mga pug-anan. “Ihatag ninyo kanako ang kamagulangan sa inyong mga anak.

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Isaias 41:11

Silang tanan nga nangasilag kanimo pakaulawan ug libogon; sila nga makigbisog batok kanimo mahimong daw wala, ug mangahanaw.

Isaias 47:6

Ako nasuko sa akong katawhan, gipanamastamasan nako ang akong panulundon; gihatag nako sila sa imong kamot, ikaw wala magpakita kanila ug kaluoy; ngadto sa mga tigulang gihimo nimo ang imong yugo nga bug-at kaayo.

Jeremias 12:14

Mao kini ang giingon sa Ginoo mahitungod sa tanan nakong mga daotang silingan, nga nanghilabot sa panulundon nga akong gipapanunod sa akong katawhan nga Israel: “Tan-awa, ibton nako sila gikan sa yuta ug akong ibton ang balay sa Juda gikan sa taliwala nila.

Jeremias 2:4

Pamati kamo sa pulong sa Ginoo, O balay ni Jacob ug tanang kabanayan sa balay ni Israel.

Jeremias 30:16

Busa kadtong tanan nga milamoy kanimo lamyon usab, ug ang tanan nimong mga kaaway, ang matag usa kanila, moadto sa pagkabihag; kadtong nanglungkab kanimo mahimong lungkaban usab, ug ang tanan nga motukob kanimo himoon nako nga tukbonon.

Jeremias 50:7

Gitukob sila sa tanan nga nakakita kanila ug ang ilang mga kaaway miingon, ‘Kami dili sad-an, kay sila nakasala batok sa Ginoo, ang ilang matuod nga puluy-anan, ang Ginoo, ang paglaom sa ilang mga katigulangan.’

Joel 1:3

Suginli ang inyong mga anak mahitungod niini, ug ipasugilon sa inyong mga anak ngadto sa ilang mga anak, ug sa ilang mga anak ngadto sa laing kaliwatan.

Amos 6:1

“Alaot kadtong anaa sa kasayon diha sa Zion, ug kadtong mibati ug kasigurohan diha sa bukid sa Samaria, ang mga inilang tawo nga una taliwala sa mga nasod, nga kanila miadto ang banay sa Israel!

Habacuc 1:11

Unya sila mohuros sama sa hangin ug mopadayon, mga tawong sad-an, nga ang kaugalingong kusog mao ang ilang dios!

Zacarias 1:15

Ug ako nasuko gayod sa mga nasod nga nagpuyo sa kasayon. Kay sa dihang gamay ra unta ang akong kasuko, ilang gipalabihan ang katalagman niini.

Zacarias 2:8

Kay mao kini ang giingon sa Ginoo sa mga panon human nga ang iyang himaya nagpadala kanako ngadto sa kanasoran nga nagtulis kaninyo, kay siya nga nagtandog kaninyo, nagtandog sa kalimutaw sa iyang mata,

Numeros 18:12

Ang tanan sa labing maayo nga lana ug ang tanan nga labing maayo gikan sa bino ug ang gikan sa trigo, ang unang abot niadtong ilang gihatag sa Ginoo, akong gihatag kanimo.

Roma 11:16

Kon nabalaan man ang gihalad nga tipik sa unang bunga nga minasa, mao usab ang tibuok minasa, ug kon nabalaan man ang gamot, mao usab ang mga sanga.

Roma 16:5

Ipangumosta usab ako sa iglesia nga anaa magtigoman sa ilang balay. Ipangumosta ako sa akong mahal nga higala nga Epeneto, nga mao ang unang nakabig didto sa Asia alang kang Cristo.

Mga Taga-Efeso 1:4

Sa wala pa matukod ang kalibotan, ang Dios nagpili kanato diha kang Cristo aron kita mabalaan ug dili masaway diha sa iyang atubangan. Pinaagi sa gugma,

Deuteronomio 14:2

Kay kamo usa ka katawhan nga balaan ngadto sa Ginoo nga inyong Dios ug ang Ginoo nagpili kaninyo aron mahimo nga usa ka katawhan alang sa iyang kaugalingong pagpanag-iya gikan sa tanan nga mga katawhan nga anaa sa ibabaw sa nawong sa yuta.

Deuteronomio 26:19

aron ibutang kamo niya sa ibabaw sa tanang nasod nga iyang gibuhat, sa pagdayeg ug sa kabantog ug sa kadungganan ug nga kamo mahimong balaan nga katawhan ngadto sa Ginoo nga inyong Dios sumala sa iyang gisulti.”

Deuteronomio 7:6

“Kay kamo katawhan nga balaan ngadto sa Ginoo nga inyong Dios; ang Ginoo nga inyong Dios nagpili kaninyo aron mahimong usa ka katawhan nga iyang panag-iyahon gikan sa tanang mga katawhan nga anaa sa yuta.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero