Jeremias 2:27

Ang Biblia 2011

nga nag-ingon sa usa ka kahoy, ‘Ikaw mao ang akong amahan,’ ug ngadto sa usa ka bato, ‘Ikaw mao ang nagpahimugso kanako.’ Kay sila mitalikod kanako ug wala moatubang. Apan sa panahon sa ilang kalisod sila moingon, ‘Tindog, ug luwasa kami!’

Cross References

2 Cronicas 29:6

Kay ang atong mga katigulangan wala magmatinumanon ug nagbuhat ug daotan diha sa panan-aw sa Ginoo nga atong Dios. Gisalikway nila siya ug gilingiw nila ang ilang mga nawong gikan sa puluy-anan sa Ginoo ug mitalikod.

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Jeremias 18:17

Sama sa hangin gikan sa silangan katagon nako sila sa atubangan sa kaaway. Pakitaon nako sila sa akong likod, ug dili sa akong nawong, sa adlaw sa ilang katalagman.”

Jeremias 2:24

usa ka ihalas nga bayeng asno nga naanad diha sa kamingawan, nga nagsimhot sa hangin panahon sa iyang pagpangulag! Kinsay makapugong sa iyang kaulag? Ang tanan nga nangita kaniya dili kinahanglan nga maghago sa ilang kaugalingon; sa iyang bulan sila makakaplag kaniya.

Jeremias 22:23

O lumulupyo sa Lebanon, nga nagsalag diha sa mga cedro, pagkamakakaluoy nimo sa dihang modangat kanimo ang mga kasakit, ang kasakit nga sama sa usa ka babaye nga nagbati!”

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Jeremias 30:7

Ah! kanang adlawa dako kaayo, walay sama niini; kini maoy panahon sa kaguol ni Jacob; apan siya maluwas gikan niini.

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 37:3

Unya si Hari Zedekias nagpadala kang Jehukal nga anak ni Selemias ug kang Zefanias nga pari nga anak ni Maasias ngadto kang Jeremias nga propeta, nga nag-ingon, “Pag-ampo alang kanamo ngadto sa Ginoo nga atong Dios.”

Jeremias 42:2

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,

Ezequiel 23:35

Busa mao kini ang giingon sa Ginoong Dios: Tungod kay ikaw nalimot kanako, ug gisalikway nimo ako sa imong likod, busa antosa ang mga sangpotanan sa imong kalaw-ay ug pagkamakihilawason.”

Ezequiel 8:16

Ug gidala niya ako ngadto sa sulod nga hawanan sa balay sa Ginoo, didto sa pultahan sa templo sa Ginoo, sa tungatunga sa agianan ug sa halaran, may mga 25 ka tawo, nga ang ilang likod nag-atubang sa templo sa Ginoo, ug ang ilang mga nawong gipaatubang sa silangan ug sila nagyukbo ngadto sa adlaw, nag-atubang sila sa silangan.

Daniel 9:7

Kanimo, O Ginoo, ang pagkamatarong, apan kanamo kaulawan, ingon niining adlawa, sa mga tawo sa Juda, sa mga nagpuyo sa Jerusalem ug sa tibuok nga Israel, kadtong duol ug kadtong layo, sa tanang yuta nga imong giabogan kanila tungod sa pagbudhi nga ilang nahimo batok kanimo.

Oseas 4:12

Ang akong katawhan nagpakisusi sa kahoy ug ang ilang sungkod naghatag kanila ug mga mensahe. Kay ang espiritu sa pagkamakihilawason nagpahisalaag kanila, ug mibiya sila sa ilang Dios aron sa pagbaligya sa dungog.

Oseas 5:15

Ako mobalik pag-usab sa akong dapit, hangtod nga sila moila sa ilang kalapasan ug mangita sa akong nawong, ug sa ilang kasakit sila mangita kanako.

Oseas 7:14

Sila wala magtuaw kanako gikan sa ilang kasingkasing, hinuon nagminatay sila diha sa ilang mga higdaanan; alang sa trigo ug bino sila nagsamad sa ilang kaugalingon, sila misukol batok kanako.