Jeremias 2:26

Ang Biblia 2011

“Ingon nga ang kawatan maulawan sa dihang madakpan, mao usab ang balay sa Israel maulawan: sila, ang ilang mga hari, ang ilang mga pangulo, ang ilang mga pari ug ang ilang mga propeta,

Cross References

Esdras 9:7

Sukad sa mga adlaw sa among mga katigulangan hangtod niining adlawa, kami hilabihan ka makasasala ug tungod sa among mga kalapasan, kami, ang among mga hari ug ang among mga pari gitugyan ngadto sa kamot sa mga hari sa kayutaan, ngadto sa espada, ngadto sa pagkabinihag ug sa pagkainilogan ug ngadto sa kaulawan hangtod niining adlawa.

Salmo 97:7

Ang tanan nga nagsimba ug mga larawan maulawan, sila nga nangandak sa ilang kaugalingon tungod sa mga diosdios; ang tanang mga dios magyukbo kaniya.

Isaias 1:29

Kay kamo mangaulaw sa mga dagkong kahoy nga inyong gitinguha, ug manglipaghong kamo tungod sa mga tanaman nga inyong gipili.

Isaias 44:11

Tan-awa, ang tanan niyang mga kauban pakaulawan, ug ang mga tigbuhat mga tawo lamang. Papundoka silang tanan, patindoga sila. Sila mangahadlok, sila pakaulawan sa tingob.

Isaias 44:9

Ang tanan nga nagbuhat ug mga larawan walay hinungdan, ug ang mga butang nga ilang gikalipayan dili magpulos; ang ilang mga saksi dili makakita o makaila, nga tungod niana sila maulawan.

Jeremias 2:36

Gipakasayon lang nimo ang paglaaglaag, nagbalhinbalhin sa imong dalan! Ikaw pakaulawan sa Ehipto ingon nga gipakaulawan ikaw sa Asiria.

Jeremias 22:22

Ang hangin mag-abog sa tanan nimong mga tigbantay sa karnero, ug ang imong mga hinigugma bihagon; busa maulawan ikaw ug malibog tungod sa tanan nimong pagkadaotan.

Jeremias 32:32

tungod sa tanang kadaotan sa mga anak sa Israel ug sa mga anak sa Juda, nga ilang gihimo aron sa paghagit kanako sa pagkasuko—ang ilang mga hari ug ang ilang mga pangulo, ang ilang mga pari ug ang ilang mga propeta, ug ang mga tawo sa Juda ug ang mga nagpuyo sa Jerusalem.

Jeremias 4:9

“Nianang adlawa, nag-ingon ang Ginoo, ang kaisog magpakyas sa hari ug sa mga pangulo; ang mga pari mangalisang ug ang mga propeta makugang.”

Jeremias 48:27

Dili ba ang Israel yubitonon alang kanimo? Nakita ba siya uban sa mga kawatan, nga sa dihang naghisgot ikaw mahitungod kaniya naglingolingo man ikaw sa imong ulo?

Ezequiel 16:54

aron pas-anon nimo ang imong kaulawan, ug nga ikaw maulaw tungod sa tanan nimong nabuhat. Ikaw mahimong kahupayan nila.

Ezequiel 22:26

Ang iyang mga pari naglapas sa akong balaod ug nagpasipala sa akong mga balaang butang. Wala sila magbutang ug kalainan sa balaan ug sa kasarangan, o magtudlo sila sa kalainan sa hugaw ug sa hinlo, ug wala sila magtamod sa akong mga adlawng igpapahulay mao nga ako gipasipalahan diha sa ilang taliwala.

Zacarias 5:4

Pagulaon nako kini, nag-ingon ang Ginoo sa mga panon, ug kini mosulod sa balay sa kawatan, ug sa sulod sa balay niadtong nanumpa ug bakak pinaagi sa akong ngalan, ug magpabilin kini taliwala sa iyang balay ug maglamoy niini uban sa mga kahoy ug mga bato nga anaa niini.”

Roma 6:21

Apan unsa may bunga nga naani ninyo gikan niadtong mga butang nga inyo nang gikaulaw karon? Ang sangpotan sa maong mga butang mao ang kamatayon.