Jeremias 2:2

Ang Biblia 2011

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Cross References

Salmo 129:1

“Sa makadaghan gisakit nila ako sukad pa sa akong pagkabatan-on,” —pasultia ang Israel karon—

Exodo 14:31

Ug nakita sa Israel ang dakong gibuhat sa Ginoo batok sa mga Ehiptohanon. Ug ang katawhan nahadlok sa Ginoo, ug mituo sila sa Ginoo ug kang Moises nga iyang alagad.

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Mga Panultihon 1:20

Ang kaalam kusog nga nagsinggit diha sa kadalanan; nagpatugbaw kini sa iyang tingog diha sa mga taboan;

Awit sa mga Awit 3:11

Panggula kamo, O mga anak nga babaye sa Zion, ug tan-awa si Hari Solomon, uban ang purongpurong nga gipurongpurong kaniya sa iyang inahan sa adlaw sa iyang kasal, ug sa adlaw sa kalipay sa iyang kasingkasing.

Awit sa mga Awit 3:6

Unsa ba kining miabot gikan sa kamingawan, sama sa mga haligi nga aso, gipahumotan sa mira ug insenso, uban sa tanang humot nga mga pulbos sa tigpatigayon?

Isaias 58:1

“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.

Jeremias 11:6

Ug ang Ginoo miingon kanako, “Isangyaw kining tanan nga mga pulong diha sa mga siyudad sa Juda, ug sa kadalanan sa Jerusalem: Pamatia ninyo ang mga pulong niining kasabotan, ug buhata kini.

Jeremias 19:2

ug lakaw ngadto sa walog sa anak ni Hinom, sa agianan sa Ganghaan sa mga Buak nga Banga ug ipahibalo didto ang mga pulong nga akong isulti kanimo.

Jeremias 2:1

Ang pulong sa Ginoo midangat kanako nga nag-ingon,

Jeremias 2:6

Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Jeremias 3:4

Wala ba ikaw magtawag kanako niining panahona lamang, ‘Amahan ko, ikaw mao ang higala sa akong pagkabatan-on—

Jeremias 7:2

“Tindog sa ganghaan sa balay sa Ginoo, ug isangyaw didto kining pulonga ug isulti, Pamatia ang pulong sa Ginoo, kamong tanan nga katawhan sa Juda nga misulod niining mga ganghaan aron sa pagsimba sa Ginoo.

Ezequiel 16:22

Ug sa tanan nimong mga dulumtanan ug sa imong mga pagpakighilawas, wala ka mahinumdom sa mga adlaw sa imong pagkabatan-on, sa diha nga ikaw hubo ug walay tabon, ug naglunang sa imong dugo.

Ezequiel 16:60

Apan hinumdoman nako ang akong kasabotan uban kanimo sa mga adlaw sa imong pagkabatan-on ug ako maghimo uban kanimo ug usa ka walay kataposan nga kasabotan.

Ezequiel 16:8

“Sa diha nga miagi ako kanimo pag-usab ug mitan-aw kanimo, ug nakita nako nga ikaw anaa na sa panahon sa paghigugma, ug gibuklad nako ang akong bisti sa ibabaw nimo ug gitabonan ang imong pagkahubo. Oo, ako nanumpa kanimo ug naghimo ug usa ka kasabotan uban kanimo, nag-ingon ang Ginoong Dios, ug ikaw nahimo nga akoa.

Ezequiel 23:19

Bisan pa niana gipasamot niya ang iyang pagkamakihilawason, naghandom sa mga adlaw sa iyang pagkabatan-on, sa dihang nagbaligya siya sa iyang dungog didto sa yuta sa Ehipto

Ezequiel 23:3

Sila nagbaligya sa ilang dungog didto sa Ehipto, nagbaligya sila sa ilang dungog sa panahon sa ilang pagkabatan-on, didto gipanghikap ang ilang mga dughan ug gihapuhap ang ilang mga ulay nga suso.

Ezequiel 23:8

Wala niya biyai ang iyang pagkamakihilawason nga iyang gibuhat sukad sa mga adlaw sa Ehipto, kay sa iyang pagkabatan-on, ang mga lalaki midulog kaniya, ug ilang gihapuhap ang iyang ulay nga dughan ug gibubo ang ilang kaulag nganha kaniya.

Oseas 11:1

Sa diha nga bata pa ang Israel, gihigugma nako siya, ug gikan sa Ehipto gitawag nako ang akong anak.

Oseas 2:15

Ug didto hatagan nako siya sa iyang parasan ug himoon nako ang Walog sa Acor ingon nga usa ka pultahan sa paglaom. Didto siya motubag sama niadtong mga adlaw sa iyang pagkabatan-on ug sama sa mga adlaw sa iyang paggula gikan sa yuta sa Ehipto.

Oseas 2:17

Kay akong kuhaon ang mga ngalan sa mga Baal gikan sa iyang baba ug dili na hisgotan ang ilang mga ngalan.

Oseas 2:7

Gukdon niya ang iyang mga hinigugma apan dili siya makaapas kanila, ug siya mangita kanila apan dili makakita kanila. Unya siya moingon, ‘Molakaw ako ug mobalik sa una nakong bana kay maayo pa ako kaniadto kay sa karon.’

Oseas 8:1

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Oseas 9:10

Sama sa mga paras diha sa kamingawan, akong nakaplagan ang Israel. Sama sa unang bunga sa kahoyong igera sa unang pagpamunga niini, nakita nako ang inyong mga katigulangan. Apan nangadto sila sa Baal-peor ug naghalad sa ilang kaugalingon ngadto sa kaulawan ug nangahimong dulumtanan sama niadtong ilang gihigugma.

Jonas 1:2

“Lakaw ngadto sa Ninibe, kanang dakong siyudad, ug singgit batok niini, kay ang ilang pagkadaotan midangat sa akong atubangan.”

Mateo 11:15

Ang may mga igdulungog kinahanglang magpatalinghog.

Lucas 12:13

Usa ka tawo diha sa panon miingon kaniya, “Magtutudlo, sultihi ra ang akong igsoong lalaki nga bahinon ang kabilin uban kanako.”

Deuteronomio 2:7

Kay ang Ginoo nga inyong Dios nagpanalangin kaninyo sa tanang buhat sa inyong mga kamot. Siya nahibalo sa inyong paglatas niining dakong kamingawan. Niining 40 ka tuig, ang Ginoo nga inyong Dios nag-uban kaninyo, walay bisan unsa nga nakulang kaninyo.’

Deuteronomio 33:3

Oo, gihigugma niya ang iyang mga katawhan, ang tanan niya nga balaan anaa sa iyang kamot; sila misunod sa imong mga tunob, nagdawat ug mga pahimangno gikan kanimo

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.

Gipadayag 2:4

Apan aduna akoy butang nga batok kanimo, nga imong gibiyaan ang paghigugma nga diha kanimo kaniadto.