Jeremias 2:17

Ang Biblia 2011

Wala ba ikaw magdala niini sa imong kaugalingon pinaagi sa pagbiya sa Ginoo nga imong Dios, sa diha nga siya nagmando kanimo diha sa dalan?

Cross References

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Job 34:27

tungod kay misimang man sila gikan sa pagsunod kaniya, ug wala magtagad sa bisan unsa nga pamaagi niya,

Job 4:8

Sumala sa akong nakita, kadtong nagdaro ug kasal-anan ug nagpugas ug kasamok, nag-ani sa mao ra usab.

Salmo 107:7

siya midala kanila pinaagi sa dalan nga tul-id, hangtod miabot sila sa usa ka siyudad nga ilang kapuy-an.

Salmo 136:16

kaniya nga nagmando sa iyang katawhan latas sa kamingawan, kay ang iyang gugmang walay paglubad naglungtad hangtod sa kahangtoran;

Salmo 77:20

Gimandoan nimo ang imong katawhan sama sa usa ka panon sa karnero pinaagi sa kamot ni Moises ug ni Aaron.

Mga Panultihon 15:10

Adunay higpit nga pagpanton alang kaniya nga mibulag sa dalan; siya nga nagdumot sa pagbadlong mamatay.

Isaias 1:4

Ah, makasasala nga nasod, usa ka katawhan nga napuno sa kasal-anan, usa ka kaliwat sa mga tigbuhat ug daotan, mga anak nga nagpatigayon sa kangil-ad! Ilang gibiyaan ang Ginoo, gitamay nila ang Balaan sa Israel, sila nahimulag gayod.

Isaias 59:13

naglapas ug naglimod sa Ginoo, ug mibiya gikan sa pagsunod sa among Dios, nagsulti ug pagpanglupig ug pagsupil, naghunahuna ug nagsulti ug mga pulong nga bakak gikan sa kasingkasing.

Jeremias 13:22

Kon ikaw moingon diha sa imong kasingkasing, ‘Nganong miabot man kanako kining mga butanga?’ kini tungod sa pagkadako sa imong pagkadaotan, nga ang mga sidsid sa imong saya gibukas, ug ikaw gipanamastamasan.

Jeremias 19:4

Tungod kay ang katawhan mibiya kanako ug naghugawhugaw niining dapita pinaagi sa pagsunog ug insenso alang sa laing mga dios nga wala mailhi nila ug sa ilang mga katigulangan ug sa mga hari sa Juda, ug tungod kay kining dapita gipuno nila sa dugo sa mga walay sala,

Jeremias 2:13

kay ang akong katawhan nakahimo ug duha ka kadaotan: sila mibiya kanako, ang tuboran sa mga tubig nga buhi, ug nagkalot ug mga tigomanan ug tubig alang sa ilang kaugalingon, mga tigomanan ug tubig nga may liki nga dili kasudlan ug tubig.

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 4:18

Ang imong mga pamaagi ug ang imong mga binuhatan nagdala niini nganha kanimo. Mao kini ang imong kaalaotan, ug pait kini; miabot kini sa imo gayong kasingkasing.”

Jeremias 44:3

tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.

Jeremias 5:25

Ang inyong mga kasal-anan maoy nakapahanaw niini, ug ang inyong mga sala maoy nakapugong sa kaayohan gikan kaninyo.

Ezequiel 39:24

Sumala sa ilang kahugawan ug sumala sa ilang mga paglapas gibuhat nako ang angay kanila, ug gitago nako ang akong nawong gikan kanila.

Oseas 13:9

Laglagon ko ikaw, O Israel, kinsa ang makatabang kanimo?

Miqueas 1:5

Kining tanan tungod sa kalapasan ni Jacob, ug tungod sa kasal-anan sa balay ni Israel. Unsa ba ang kalapasan ni Jacob? Dili ba ang Samaria? Ug unsa ba ang sala sa balay ni Juda? Dili ba ang Jerusalem?

Numeros 32:23

Apan kon kini dili ninyo buhaton, kamo nakasala batok sa Ginoo ug masilotan gayod kamo tungod sa inyong sala.

Deuteronomio 32:10

“Iyang nakaplagan siya didto sa yuta nga kamingawan ug sa hawan ug makalilisang nga kamingawan. iyang gipanalipdan siya, iyang giatiman siya, iyang gibantayan siya ingon nga kalimutaw sa iyang mata.

Deuteronomio 32:19

“Ang Ginoo nakakita niini ug nagsalikway kanila, tungod sa pagpasuko kaniya sa iyang mga anak nga lalaki ug sa iyang mga anak nga babaye.