Jeremias 2:15

Ang Biblia 2011

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Cross References

Job 4:10

Ang pagngulob sa liyon, ang tingog sa bangis nga liyon, ang mga ngipon sa mga gagmayng liyon nangahingo.

Salmo 57:4

Ang akong kalag ania taliwala sa mga liyon nga mga tumutukob sa mga anak sa tawo; ang ilang mga ngipon mga bangkaw ug mga udyong ug ang ilang dila mga hait nga espada.

Isaias 1:7

Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.

Isaias 24:1

Tan-awa, gun-obon sa Ginoo ang yuta ug himoon kini nga awaaw, ug balit-aron kini, ug patibulaagon ang mga nagpuyo niini.

Isaias 5:29

Ang ilang pagngulob sama sa usa ka liyon, sama sa mga batan-on nga liyon sila nagngulob; sila magngulob ug manakop sa ilang tukbonon, dad-on kini nila sa gawas ug walay bisan usa nga makaluwas.

Isaias 5:9

Ang Ginoo sa mga panon nanumpa diha sa akong pangdungog, “Daghan gayong mga balay nga mahimong biniyaan, dagko ug matahom nga mga balay, walay magpuyo.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Jeremias 10:22

Pamatia ang huhungihong! Tan-awa, miabot na!— usa ka dakong kagahob gikan sa amihanan aron sa paghimo sa mga siyudad sa Juda nga kamingawan, puluy-anan sa mga irong ihalas.

Jeremias 25:30

“Busa ikaw, kinahanglang magpropesiya batok kanila niining tanan nga mga pulong, ug ingna sila: ‘Ang Ginoo mopadahunog gikan sa kahitas-an, ug mobungat sa iyang tingog gikan sa iyang balaang puluy-anan; siya mopadahunog sa iyang tingog batok sa iyang panon ug mosinggit, sama kanila nga naggiok sa mga paras, batok sa tanang nagpuyo sa yuta.

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 26:9

Nganong nagpropesiya man ikaw pinaagi sa ngalan sa Ginoo nga nag-ingon, ‘Kining balaya mahisama sa Silo, ug kining siyudara mahimong biniyaan nga walay nagpuyo’?” Ug ang tibuok katawhan mialirong kang Jeremias didto sa balay sa Ginoo.

Jeremias 33:10

“Mao kini ang giingon sa Ginoo: Niining dapita nga imong giingon, ‘Biniyaan kini, walay tawo o mananap,’ sa mga siyudad sa Juda, ug sa kadalanan sa Jerusalem nga mingaw, walay tawo o lumulupyo o mananap, didto madunggan na usab

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 4:7

Usa ka liyon migawas gikan sa iyang tagoanan, usa ka tiglaglag sa kanasoran nangandam na; siya migula gikan sa iyang dapit aron sa paglaglag sa imong yuta; ang imong mga siyudad mangagun-ob ug wala nay magpuyo.

Jeremias 44:22

Ang Ginoo wala na makaantos sa inyong mga daotan buhat ug sa mga dulumtanan nga inyong nahimo, busa ang inyong yuta nahimong biniyaan, ug awaaw ug usa ka tunglo walay nagpuyo, ingon niining adlawa.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Jeremias 50:17

“Ang Israel mao ang giayam nga karnero nga giabog sa mga liyon. Una, ang hari sa Asiria milamoy kaniya ug karon sa kataposan gikitkit ang iyang mga bukog ni Nabucodonosor nga hari sa Babilonia.

Jeremias 51:38

“Sila magdungan sa pagngulob sama sa mga liyon, sila magngulob sama sa mga itoy nga liyon.

Jeremias 6:8

Pasidaan kini kanimo, O Jerusalem, kay tingali unya ug ako mahimulag kanimo; kay tingali unya ug himoon ko ikaw nga kamingawan, usa ka yuta nga walay magpuyo.”

Jeremias 9:10

“Himoa ang paghilak ug ang pagminatay alang sa kabukiran, ug pagbangutan alang sa sibsibanan sa kamingawan, tungod kay naawaaw na kini mao nga wala nay moagi niini, ug ang pag-inga sa mga baka dili na madungog; ang mga langgam sa kalangitan ug ang mga mananap namiya ug nangahanaw.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Ezequiel 36:3

busa pagpropesiya ug sulti: Mao kini ang giingon sa Ginoong Dios: Tungod kay gihimo nila kamo nga biniyaan ug gidugmok kamo sa tanang dapit, nga tungod niana kamo naangkon sa ubang mga nasod, ug kamo nahimong tabi ug daotang taho sa katawhan,

Ezequiel 5:14

Ug dugang pa, himoon ko kamo nga biniyaan ug usa ka kaulawan taliwala sa mga nasod nga naglibot kaninyo, ug diha sa panan-aw sa tanan nga mangagi.

Oseas 11:10

Sila mosunod sa Ginoo, nga magngulob sama sa liyon. Oo, siya magngulob, ug ang iyang mga anak mangabot nga magkurog gikan sa kasadpan.

Oseas 5:14

Kay ako mahisama sa liyon alang sa Ephraim, ug sama sa batan-ong liyon alang sa balay sa Juda. Ako gayod mokuniskunis ug mobiya, ako mobihag ug walay bisan kinsa nga makaluwas.

Amos 3:12

Mao kini ang giingon sa Ginoo, “Ingon nga ang usa ka tigbantay magluwas gikan sa baba sa liyon sa duha ka paa, o usa ka dalunggan, luwason usab ang katawhan sa Israel nga nagpuyo sa Samaria bisan diha sa daplin sa higdaanan ug diha usa ka bahin sa higdaanan.”

Amos 3:4

Mongulob ba ang liyon didto sa kalasangan, kon siya walay tinukob? Motingog ba ang batan-ong liyon diha sa iyang lungib kon kini walay nakuha?

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Nahum 2:11

Hain man ang lungib sa mga liyon, ang puy-anan sa gagmayng mga liyon, nga dad-an sa liyon sa iyang tinukob, diin atua usab ang iyang mga itoy nga walay makatugaw?

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.

Sofonias 2:5

Alaot kamo nga mga nagpuyo sa kabaybayonan, kamo nga nasod sa mga Keretihanon! Ang pulong sa Ginoo batok kaninyo, O Canaan, ang yuta sa mga Filistihanon; ikaw laglagon nako, hangtod nga wala nay nagpuyo nga mahibilin.

Sofonias 3:6

Gipanglaglag nako ang mga nasod; ang ilang mga salipdanan nangaguba; ang ilang kadalanan gihimo nako nga awaaw aron nga walay makaagi niini; ang ilang mga siyudad nangatumpag, walay tawo, walay nagpuyo.

Zacarias 11:3

Pamatia ang tingog sa pagminatay sa mga tigbantay sa karnero, kay ang ilang himaya nawagtang na! Pamatia ang pagngulob sa mga liyon, kay ang kalasangan sa Jordan nalaglag!

Mga Maghuhukom 14:5

Unya si Samson milugsong uban sa iyang amahan ug sa iyang inahan ngadto sa Timna, ug nahiabot siya sa kaparasan sa Timna. Ug dihay usa ka nati nga liyon nga mingulob batok kaniya.