Jeremias 2:11

Ang Biblia 2011

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Cross References

1 Mga Hari 11:33

tungod kay ila akong gitalikdan, ug nagsimba sila kang Astarot nga diosa sa mga Sidonhanon, kang Camos nga dios sa Moab ug kang Milcom nga dios sa mga Amonihanon, ug wala sila maglakaw sa akong mga dalan, sa pagbuhat sa matarong diha sa akong panan-aw ug sa pagtuman sa akong mga lagda ug sa akong mga tulumanon, sama sa gihimo ni David nga iyang amahan.

2 Mga Hari 1:3

Apan ang anghel sa Ginoo miingon kang Elias nga Tisbihanon, “Tindog ug tungas aron sugaton nimo ang mga sinugo sa hari sa Samaria ug ingna sila, ‘Tungod ba kay walay Dios sa Israel, maoy hinungdan nga kamo moadto aron magpakisayod kang Baalsebub, ang dios sa Ekron?’

2 Cronicas 13:9

Wala ba ninyo aboga ang mga pari sa Ginoo, ang mga anak ni Aaron, ug ang mga Levihanon ug naghimo kamo ug mga pari alang kaninyo sama sa mga katawhan sa laing mga yuta? Busa si bisan kinsa nga moanhi sa pagbalaan sa iyang kaugalingon pinaagi sa usa ka batan-ong baka nga laki ug pito ka laking karnero, mahimong pari sa dili mga dios.

Salmo 106:20

Ang himaya sa Dios gipulihan nila ug larawan sa usa ka baka nga nagkaon ug balili.

Salmo 115:4

Ang ilang mga diosdios plata ug bulawan, binuhat sa mga kamot sa mga tawo.

Salmo 3:3

Apan ikaw, O Ginoo, mao ang taming libot kanako, ang akong himaya, ug ang tig-isa sa akong ulo.

Isaias 37:19

ug nagsalibay sa ilang mga diosdios ngadto sa kalayo, kay sila dili man mga dios, kondili buhat sa mga kamot sa mga tawo, kahoy ug bato; busa gilaglag kini.

Jeremias 16:20

Makahimo ba ug mga dios ang tawo alang sa iyang kaugalingon? Ang ingon niana dili mga dios!”

Jeremias 18:13

“Busa mao kini ang giingon sa Ginoo: Pangutana kamo karon sa mga nasod, kinsa ang nakadungog sa sama niini? Ang ulay nga Israel nakabuhat ug ngil-ad nga butang.

Jeremias 2:5

Mao kini ang gisulti sa Ginoo: “Unsay sayop nga nakita sa inyong mga katigulangan kanako, nga mipalayo man sila gikan kanako, ug misunod sa kakawangan, ug nangahimong kawang?

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 5:7

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Ezequiel 14:5

aron makuptan nako ang kasingkasing sa balay sa Israel nga nahimulag kanako tungod sa ilang mga diosdios.

Ezequiel 5:7

Busa mao kini an giingon sa Ginoong Dios: Tungod kay kamo nagkaguliyang labaw pa kay sa mga nasod nga naglibot kaninyo, ug wala maglakaw diha sa akong mga lagda o magtuman sa akong mga tulumanon, hinuon nagbuhat sumala sa mga tulumanon sa mga nasod nga naglibot kaninyo;

Miqueas 4:5

Kay ang tanang mga katawhan maglakaw, ang matag usa sa ngalan sa iyang dios, apan kita maglakaw diha sa ngalan sa Ginoo nga atong Dios hangtod sa kahangtoran.

Roma 1:23

ug ang himaya sa dili mamatay nga Dios ilang gipulihan ug mga larawan nga sama sa tawo nga may kamatayon ug sa mga langgam ug sa mga mananap nga upat ang tiil ug sa mga binuhat nga nagkamang.

1 Mga Taga-Corinto 8:4

Ug mahitungod sa pagkaon sa mga hinalad ngadto sa mga diosdios, kita nasayod nga “wala gayoy diosdios dinhi sa kalibotan,” ug nga “walay laing Dios gawas sa usa lamang.”

Mga Taga-Galacia 4:8

Kaniadto, sa wala pa kamo makaila sa Dios, kamo naulipon ngadto sa mga binuhat nga sa kinaiya dili mga dios,

Deuteronomio 32:16

Gipasilaob nila siya diha sa pagpangabubho tungod sa laing mga dios; ilang gipasuko siya sa mga dulumtanang buhat.

Deuteronomio 32:21

Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.

Deuteronomio 33:29

Bulahan ikaw, O Israel! Kinsa ba ang sama kanimo, katawhan nga giluwas sa Ginoo, ang taming sa imong panabang ug ang espada sa imong kadaogan? Ang imong mga kaaway moanha nga magpaitoy-itoy kanimo. ug imong tumban ang ilang habog nga mga dapit.”

1 Pedro 1:18

Kamo nasayod nga kamo gilukat gikan sa walay hinungdan nga paggawi nga inyong napanunod gikan sa inyong mga ginikanan, dili pinaagi sa mga butang nga madugta sama sa plata o bulawan,

1 Samuel 4:21

Ug iyang ginganlan ang bata ug Icabod, nga nag-ingon, “Ang himaya nawala gikan sa Israel,” tungod kay ang sudlanan sa kasabotan sa Dios nailog ug tungod sa iyang ugangan nga lalaki ug sa iyang bana.