Jeremias 2:10

Ang Biblia 2011

Tabok ngadto sa mga kabaybayonan sa Cipro, ug tan-awa, ug pagpaadto ngadto sa Kedar ug susiha pag-ayo; tan-awa kon aduna bay ingon nianang butanga.

Cross References

Genesis 25:13

Ug mao kini ang mga ngalan sa mga anak nga lalaki ni Ismael nga ginganlan sumala sa han-ay sa ilang pagkahimugso: si Nebaiot, ang kamagulangan ni Ismael, ug si Kedar, si Abdeel, si Mibsam,

1 Mga Hari 9:9

Ug sila motubag, ‘Tungod kay sila nagsalikway sa Ginoo nga ilang Dios, nga nagdala sa ilang katigulangan gikan sa yuta sa Ehipto, ug naghupot ug laing mga dios ug nagsimba ug nag-alagad kanila, busa gipadala sa Ginoo kining tanang kadaot ngadto kanila.’ ”

1 Cronicas 1:7

Ang mga anak nga lalaki ni Javan: si Elisa, si Tarsis, si Kitim ug si Bodanim.

1 Cronicas 23:1

Sa diha nga si David tigulang na ug hingpit na ang iyang mga adlaw, gihimo niya nga hari sa Israel si Solomon nga iyang anak.

1 Cronicas 23:12

Ang mga anak nga lalaki ni Kohat: si Amram, si Isar, si Hebron ug si Uziel, upat.

Salmo 120:5

Alaot ako, nga ako milangyaw sa Mesek, nga mipuyo ako sa mga tolda sa Kedar!

Isaias 21:16

Kay mao kini ang gisulti sa Ginoo kanako, “Sulod sa usa ka tuig, sumala sa mga tuig sa usa ka sinuholan, ang tanang himaya sa Kedar matapos,

Isaias 23:1

Ang mensahe mahitungod sa Tiro. Pagminatay kamo, mga barko sa Tarsis, kay ang Tiro gilaglag na, wala nay balay o dunggoanan! Gikan sa yuta sa Cipro kini gipahibalo kanila.

Isaias 23:12

Siya miingon, “Ikaw dili na maglipay, O ikaw nga dinaogdaog nga anak nga ulay sa Sidon; tindog, tabok kamo ngadto sa Cipro, bisan didto dili ikaw makapahulay.”

Jeremias 49:28

Mahitungod sa Kedar ug sa mga gingharian ni Hasor nga gibuntog ni Nabucodonosor nga hari sa Babilonia. Mao kini ang giingon sa Ginoo: “Panindog kamo, sulong batok sa Kedar! Laglaga ninyo ang katawhan sa silangan!

Ezequiel 16:16

Nagkuha ikaw ug pipila sa imong mga bisti, ug nagbuhat ikaw alang kanimo ug mga dinayandayanan nga alampoanan, ug diha niini ikaw nakighilawas. Ang sama niini wala mahitabo kaniadto o mahitabo pa.

Ezequiel 27:21

Ang Arabia ug ang tanang mga pangulo sa Kedar mao ang tigpamaligya sa imong mga nating karnero, mga laking karnero ug mga kanding, niini sila nakigpatigayon kanimo.

Ezequiel 27:6

Gikan sa mga dagkong kahoy sa Basan gibuhat nila ang imong mga bugsay; gihimo nila ang imong mga salog gikan sa sipre gikan sa mga kabaybayonan sa Cipro, hinal-opan ug tango sa elepante.

Ezequiel 5:7

Busa mao kini an giingon sa Ginoong Dios: Tungod kay kamo nagkaguliyang labaw pa kay sa mga nasod nga naglibot kaninyo, ug wala maglakaw diha sa akong mga lagda o magtuman sa akong mga tulumanon, hinuon nagbuhat sumala sa mga tulumanon sa mga nasod nga naglibot kaninyo;

Daniel 11:18

Human niini, siya moatubang ngadto sa mga kabaybayonan ug ilogon ang daghan niini apan ang usa ka pangulo magtapos sa iyang pagkamabiaybiayon, ang iyang pagkamapahitas-on mosumbalik gayod kaniya.

Daniel 11:30

Kay ang mga sakayan sa Kittim mosulong batok kaniya ug siya mahadlok ug mosibog, unya siya mobalik ug masuko ug magbuhat batok sa balaang kasabotan. Siya mobalik niadtong nagsalikway sa balaang kasabotan.

Numeros 24:24

Apan mangabot ang mga sakayan gikan sa Kitim, ug sakiton nila ang Asur ug ang Eber ug siya usab malaglag.”

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

Mga Maghuhukom 19:30

Ug ang tanan nga nakakita niini miingon, “Wala pa gayod mahitabo ang ingon nga butang o makita, sukad nga ang katawhan sa Israel migula gikan sa yuta sa Ehipto hangtod niining adlawa. Palandonga kini, pakitambag ug sulti kamo.”