Jeremias 19:9

Ang Biblia 2011

Akong ipakaon kanila ang unod sa ilang mga anak nga lalaki ug sa ilang mga anak nga babaye ug ang tanan mokaon sa unod sa iyang silingan sa panahon sa paglibot ug sa kaguol, nga niini ang ilang mga kaaway ug ang nagtinguha sa ilang sa kinabuhi magsakit kanila.’

Cross References

2 Mga Hari 25:3

Sa ikasiyam nga adlaw sa ikaupat nga bulan ang gutom midako na sa siyudad, mao nga wala nay pagkaon alang sa katawhan sa yuta.

Isaias 9:20

Mosakmit sila diha sa ilang tuo apan gutom lang gihapon sila, ug sila mokaon diha sa wala, apan dili matagbaw, ang matag usa magkaon sa unod sa iyang silingan,

Jeremias 13:14

Ug akong singkion ang usa batok sa usa kanila, ang mga amahan ug mga anak, nag-ingon ang Ginoo. Dili ako maluoy o magsaylo o malukmay aron dili nako sila laglagon.’ ”

Jeremias 38:9

“Akong agalon nga hari, kining mga tawhana nakabuhat ug daotan sa tanan nilang gihimo kang Jeremias nga propeta, pinaagi sa pagtambog kaniya ngadto sa atabay ug siya mamatay didto sa kagutom kay wala may pan nga nahibilin sa siyudad.”

Mga Pagbangotan 2:20

Tan-awa, O Ginoo, ug sud-onga! Kinsay imong gibuhatan sa ingon? Kan-on ba sa mga babaye ang ilang anak, ang mga bata nga ilang giatiman pag-ayo? Patyon ba ang pari ug ang propeta diha sa balaang puluy-anan sa Ginoo?

Mga Pagbangotan 4:10

Ang mga kamot sa maluluy-on nga mga babaye miluto sa kaugalingon nilang mga anak; sila nahimong pagkaon nila sa pagkalaglag sa anak nga babaye sa akong katawhan.

Ezequiel 5:10

Busa ang mga amahan magkaon sa mga anak taliwala kaninyo, ug ang mga anak magkaon sa ilang mga amahan ug ipahamtang nako ang hukom nganha kaninyo, ug ang tanan nga mahibilin kaninyo patibulaagon nako ngadto sa tanang dapit.

Levitico 26:29

Kamo magkaon sa unod sa inyong mga anak nga lalaki ug sa unod sa inyong mga anak nga babaye.