Jeremias 19:7

Ang Biblia 2011

Ug niining dapita himoon nako nga kawang ang mga laraw sa Juda ug sa Jerusalem, ang ilang katawhan mapukan pinaagi sa espada sa atubangan sa ilang mga kaaway, ug pinaagi sa kamot niadtong nagtinguha sa ilang kinabuhi. Akong ihatag ang ilang mga patayng lawas ingon nga pagkaon alang sa mga langgam sa kalangitan ug sa mga mananap sa yuta.

Cross References

2 Mga Hari 21:14

Unya isalikway nako ang salin sa akong panulundon, ug itugyan sila ngadto sa kamot sa ilang mga kaaway. Ug sila mahimong usa ka tukbonon ug usa ka inilog sa tanan nilang mga kaaway,

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 29:14

busa, tan-awa, ako magbuhat pag-usab ug mga katingalahan nga buhat sa taliwala niining katawhan, katingalahan ug kahibulongan; ug ang kaalam sa ilang maalamon nga mga tawo mahanaw, ug ang pagsabot sa ilang mga tawo nga hait ug salabotan tagoan.”

Isaias 8:10

Pagsabot kamo, apan kini mahimong walay kapuslanan, isulti ang pulong apan dili kini mobarog, kay ang Dios ania nag-uban kanato.

Jeremias 15:2

Ug sa diha nga sila mangutana kanimo, ‘Asa man kami moadto?’ ingna sila, ‘Kini mao ang giingon sa Ginoo: Kadtong alang sa kamatay, ngadto sa kamatay, ug kadtong alang sa espada, ngadto sa espada; kadtong alang sa gutom, ngadto sa gutom, ug kadtong alang sa pagkabihag, ngadto sa pagkabihag.’

Jeremias 15:9

Siya nga nanganak ug pito nagkaluya; siya nakuyapan; ang iyang adlaw misalop na samtang adlawan pa, naulawan siya ug giayran. Ug ang mahibilin kanila akong itugyan ngadto sa espada atubangan sa ilang mga kaaway, nag-ingon ang Ginoo.”

Jeremias 16:4

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Jeremias 18:21

Busa itugyan ang ilang mga anak ngadto sa gutom; itugyan sila ngadto sa gahom sa espada, himoa nga ang ilang mga asawa mawad-an ug mga anak ug mabiyuda. Mangamatay unta ang ilang kalalakin-an pinaagi sa kamatay, ang ilang batan-on mangamatay pinaagi sa mga espada diha sa gubat.

Jeremias 21:7

Human niini, nag-ingon ang Ginoo, akong itugyan si Zedekias nga hari sa Juda ug ang iyang mga alagad, ug ang katawhan niining siyudad nga nahibilin gikan sa kamatay, sa espada ug sa gutom, ngadto sa kamot ni Nabucodonosor nga hari sa Babilonia ug ngadto sa kamot sa ilang nga kaaway ug ngadto sa kamot sa mga nagtinguha sa ilang kinabuhi. Siya magtigbas kanila pinaagi sa sulab sa espada, siya dili maluoy kanila, o magsaylo kanila o magbaton ug kahangawa kanila.’

Jeremias 22:19

Uban sa paglubong sa usa ka asno, ilubong siya, guyoron ug isalibay hangtod sa unahan sa ganghaan sa Jerusalem.”

Jeremias 22:25

ug ihatag ko ikaw ngadto sa kamot niadtong nagtinguha sa imong kinabuhi, ngadto sa kamot niadtong imong gikahadlokan, bisan ngadto sa kamot ni Nabucodonosor nga hari sa Babilonia ug ngadto sa kamot sa mga Caldeanhon.

Jeremias 32:28

Busa mao kini ang giingon sa Ginoo: Ihatag nako kining siyudara ngadto sa mga kamot sa mga Caldeanhon, ug ngadto sa kamot ni Nabucodonosor nga hari sa Babilonia, ug kuhaon kini niya.

Jeremias 34:20

Ihatag nako sila ngadto sa kamot sa ilang mga kaaway ug ngadto sa mga nagtinguha sa ilang mga kinabuhi. Ang ilang mga patayng lawas mahimong pagkaon sa mga langgam sa kalangitan, ug sa mga mananap sa yuta.

Jeremias 46:26

Ug itugyan sila nako ngadto sa kamot sa mga nagtinguha sa ilang mga kinabuhi, ngadto sa kamot ni Nabucodonosor nga hari sa Babilonia ug sa iyang mga tinugyanan. Human niini ang Ehipto puy-an sama sa kanhing panahon, nag-ingon ang Ginoo.

Jeremias 7:33

Ug ang mga patayng lawas niini nga katawhan mahimong pagkaon sa mga langgam sa kalangitan ug sa mga mananap sa yuta, ug walay makapahadlok kanila.

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Jeremias 8:8

“Unsaon ninyo pag-ingon, ‘Kami mga maalamon, ug ang Balaod sa Ginoo ania kanamo’? Apan ang bakakon nga dagang sa mga eskriba nagbuhat niini nga bakak.

Jeremias 8:9

Ang mga tawong maalamon pakaulawan, sila mangalisang ug pamihagon; tan-awa, ilang gisalikway ang pulong sa Ginoo, unsa nga kaalam ang anaa kanila?

Mga Pagbangotan 3:37

Kinsa ang nagsugo ug kini natuman, gawas kon ang Ginoo mao ang nagbuot niini?

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Levitico 26:25

Ug dad-an ko kamo ug espada nga manimalos sa pagsupak ninyo sa akong kasabotan ug tigomon kamo sa inyong mga lungsod ug magpadala ako ug kamatay sa taliwala ninyo ug itugyan kamo ngadto sa kamot sa kaaway.

Roma 3:31

Gisalikway ba nato ang Balaod tungod sa maong pagtuo? Wala gayod! Hinuon gipalig-onan nato ang Balaod.

Roma 4:14

Kay kon ang mga nagpailalom sa Balaod mao pa ang mga manununod, wala na diay bili ang pagtuo ug wala nay kapuslanan ang saad.

1 Samuel 17:46

Niining adlawa ang Ginoo magtugyan kanimo nganhi sa akong kamot, ug ako magbunal ug maglunggo sa imong ulo gikan kanimo, ug ihatag nako ang mga patay nga lawas sa panon sa mga Filistihanon niining adlawa ngadto sa mga langgam sa kalangitan ug sa mga ihalas nga mananap sa yuta, aron nga ang tibuok yuta mahibalo nga adunay Dios sa Israel,