Jeremias 18:6

Ang Biblia 2011

“O balay sa Israel, dili ba nako mahimo kanimo ang gihimo niining magkukulon? nag-ingon ang Ginoo. Sama sa yutang kulonon nga anaa sa kamot sa magkukulon, mao usab ikaw dinhi sa akong kamot, O balay sa Israel.

Cross References

Isaias 45:9

“Pagkaalaot niya nga nakiglalis sa iyang Magbubuhat, ang sudlanan nga yuta ngadto sa magkukulon! Mosulti ba ang yutang kulonon ngadto sa nagbuhat kaniya, ‘Unsay imong gibuhat?’ o ‘Ang imong gihimo walay kuptanan?’

Isaias 64:8

Apan karon, O Ginoo, ikaw mao ang among Amahan, kami yuta nga kulonon, ug ikaw mao ang among magkukulon; kaming tanan binuhat sa imong kamot.

Jeremias 18:4

Ug ang sudlanan nga gibuhat niya gikan sa yuta nga kulonon nadaot diha sa kamot sa magkukulon ug gibuhat niya kini pag-usab ngadto sa lain nga sudlanan, ingon nga maayong buhaton sumala sa magkukulon.

Jeremias 18:5

Unya ang pulong sa Ginoo midangat kanako,

Daniel 4:23

Ug ingon nga ang hari nakakita ug usa ka tigbantay, usa nga balaan, nga mikunsad gikan sa langit ug miingon, ‘Putla ang kahoy ug laglaga kini apan ibilin ang tuod sa mga gamot niini diha sa yuta, bugkosi ug usa ka pikit nga puthaw ug bronsi, sa humok nga sagbot sa kapatagan ug ipahumod kini sa yamog sa langit ug ang iyang bahin ipauban sa mga mananap sa kapatagan, hangtod nga molabay kaniya ang pito ka panahon.’

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Roma 11:34

“Kay kinsa bay nasayod sa hunahuna sa Ginoo, o kinsa bay iyang magtatambag?”