Jeremias 18:23

Ang Biblia 2011

Apan ikaw, O Ginoo, nasayod sa tanan nilang mga paglaraw aron sa pagpatay kanako. Ayaw sila pasayloa sa ilang kasal-anan, o papason ang ilang mga sala gikan sa imong panan-aw. Pukana hinuon sila sa imong atubangan, himoa kana kanila sa panahon sa imong kasuko.

Cross References

Salmo 119:126

Karon mao na ang panahon nga ang Ginoo molihok, kay gilapas nila ang imong Balaod.

Salmo 35:4

Pakaulawi ug kuhai sa dungog ang mga nagtinguha sa akong kinabuhi! Pasiboga ug liboga ang mga naglaraw ug daotan batok kanako!

Salmo 56:8

Nag-isip ikaw sa akong mga paglatagaw; ibutang ang akong mga luha sa imong botilya! Wala ba kini diha sa imong basahon?

Salmo 59:5

Ikaw, O Ginoo nga Dios sa mga panon, mao ang Dios sa Israel. Bangon aron sa pagsilot sa tanang mga nasod; ayaw pagbilin niadtong mga naglaraw ug daotan. Selah

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Isaias 2:9

Busa ang tawo gipakaulawan, ug ang mga tawo gipaubos— ayaw sila pasayloa!

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Jeremias 15:15

O Ginoo, ikaw nasayod; hinumdomi ako ug duawa ako, ug ipanimalos ako sa mga naglutos kanako. Ayaw ako kuhaa diha sa imong pagkamapailobon; hibaloi nga tungod ug alang kanimo, ako nag-antos sa kaulawan.

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

Jeremias 17:4

Mabuhian nimo ang panulundon nga akong gihatag kanimo ug paalagaron ko ikaw sa imong mga kaaway didto sa yuta nga wala nimo mahibaloi, kay sa akong kasuko nahaling ang kalayo nga magdilaab hangtod sa kahangtoran.”

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 26:11

Unya ang mga pari ug ang mga propeta namulong sa mga pangulo ug sa tibuok katawhan, “Kining tawhana angay sa silot nga kamatayon tungod kay siya nagpropesiya batok niini nga siyudad, ingon nga nadungog ninyo sa inyong kaugalingong dalunggan.”

Jeremias 26:8

Sa diha nga nahuman si Jeremias sa pagsulti kanila sa tanang gisugo sa Ginoo nga isulti sa tibuok katawhan, ang mga pari ug ang mga propeta ug ang tibuok katawhan midakop kaniya, nga nag-ingon, “Mamatay gayod ikaw!

Jeremias 37:15

Ug ang mga pangulo nangasuko kang Jeremias ug gibun-og nila siya ug gibilanggo didto sa balay ni Jonatan nga sekretaryo, kay gibuhat kini nga bilanggoan.

Jeremias 38:4

Unya ang mga pangulo miingon sa hari, “Ipapatay kining tawhana kay siya nagpaluya sa mga kamot sa kasundalohan nga nahibilin niining siyudad, ug sa mga kamot sa tibuok katawhan pinaagi sa pagsulti niining mga pulong ngadto kanila. Kay kining tawhana wala mangita sa kaayohan niining katawhan, kondili sa ilang kadaot.”

Jeremias 6:15

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Jeremias 6:21

Busa mao kini ang giingon sa Ginoo: ‘Tan-awa, ako magbutang ug mga kapandolan sa atubangan niini nga katawhan, nga niini sila mangapandol; ang amahan ug ang mga anak, ang silingan ug ang higala mangamatay.’ ”

Jeremias 7:20

Busa mao kini ang giingon sa Ginoong Dios: Ania karon, ang akong kasuko ug ang akong kapungot ibubo niining dapita, ngadto sa tawo ug sa mananap, ngadto sa kakahoyan sa kapatagan, ug sa bunga sa yuta. Mangasunog kini ug dili mapalong.”

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Mga Pagbangotan 3:60

Nakita nimo ang tanan nilang mga pagpanimalos, ang tanan nilang mga laraw batok kanako.

Mga Pagbangotan 3:61

“Nadungog nimo ang ilang mga pagbiaybiay, O Ginoo, ang tanan nilang mga laraw batok kanako.

Lucas 21:22

Kay kini mao ang mga adlaw sa panimalos aron matuman ang tanang nasulat.

Roma 2:5

Apan sumala sa kagahi ug pagkadili mahinulsolon sa imong kasingkasing nagtigom ikaw ug kapungot alang sa imong kaugalingon sa adlaw sa kapungot ug pagpadayag sa matarong nga hukom sa Dios;