Jeremias 18:22

Ang Biblia 2011

Madungog unta ang singgit gikan sa ilang mga balay, sa diha nga sa kalit ikaw magpadala ug mga tawo nga misulong! Kay sila nagkalot ug gahong aron sa pagdakop kanako, ug nagbutang ug mga lit-ag alang sa akong mga tiil.

Cross References

Salmo 119:85

Ang mga mapahitas-on nagkalot ug mga gahong alang kanako, mga tawo nga wala magsubay sa imong Balaod.

Salmo 140:5

Mga mapahitas-on nga mga tawo nagtago ug lit-ag alang kanako, ug pinaagi sa mga pisi nagbukhad sila ug pukot, sa daplin sa agianan nagbutang sila ug mga laang alang kanako. Selah

Salmo 140:6

Miingon ako sa Ginoo, “Ikaw mao ang akong Dios; patalinghugi ang tingog sa akong mga pangaliyupo, O Ginoo!”

Salmo 142:4

Mitan-aw ako ngadto sa tuo ug nagbantay apan walay bisan kinsa nga nakamatikod kanako, walay dalangpanan nga nagpabilin kanako, walay bisan kinsa nga nagtagad kanako.

Salmo 38:12

Kadtong nagtinguha sa akong kinabuhi nagbutang ug mga lit-ag; kadtong nagtinguha sa akong pagkalaglag nagsulti ug kadaot, ug naghunahuna ug mga limbong sa tibuok nga adlaw.

Isaias 10:30

Singgit ug kusog, O anak ni Galim! Pamati, O Laisa! Tubaga siya, O Anatot!

Jeremias 18:20

Ang daotan balos ba sa maayo? Apan sila nagkalot ug gahong alang sa akong kalag. Hinumdomi nga ako mitindog sa imong atubangan aron sa pagsulti ug maayo alang kanila, aron ipalikay ang imong kaligutgot gikan kanila.

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 20:16

Himoa kanang tawhana nga sama sa mga siyudad nga gipukan sa Ginoo sa walay kaluoy; padungga siya ug singgit sa kabuntagon ug singgit sa kakuyaw sa kaudtohon,

Jeremias 4:31

Kay ako nakadungog ug pagtuaw sama sa usa ka babaye nga nagbati, ang kasakit sama sa nagpahimugso sa iyang kamagulangan nga anak, ang pagtuaw sa anak nga babaye sa Zion, naglisod sa pagginhawa, nagtuy-od sa iyang mga kamot, “Alaot ako! Nagkaluya ako atubangan sa mga mamumuno.”

Jeremias 5:26

Kay ang mga daotang tawo nakita uban sa akong katawhan; sila naghupo sama sa mga mangangayam nga nag-atang. Sila nagbutang ug usa ka lit-ag; sila manakop ug mga tawo.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Sofonias 1:16

adlaw sa pagpatingog sa trumpeta, singgit alang sa gubat, batok sa mga kinutaang siyudad ug batok sa mga habog nga mga bantayanang tore.

Mateo 22:15

Unya ang mga Pariseo milakaw ug nagsabot kon unsaon nila sa pagbitik si Jesus pinaagi sa iyang pulong.