Jeremias 18:21

Ang Biblia 2011

Busa itugyan ang ilang mga anak ngadto sa gutom; itugyan sila ngadto sa gahom sa espada, himoa nga ang ilang mga asawa mawad-an ug mga anak ug mabiyuda. Mangamatay unta ang ilang kalalakin-an pinaagi sa kamatay, ang ilang batan-on mangamatay pinaagi sa mga espada diha sa gubat.

Cross References

2 Cronicas 36:17

Busa gipadala niya batok kanila ang hari sa mga Caldeanhon nga mipatay sa ilang mga batan-ong lalaki pinaagi sa espada diha sa balay sa ilang balaang puluy-anan ug walay kaluoy sa batan-ong lalaki o sa ulay, sa mga tigulang o sa may panuigon, gitugyan niya silang tanan ngadto sa iyang kamot.

Salmo 63:10

itugyan sila ngadto sa gahom sa espada, sila mangahimong tukbonon alang sa mga iro nga ihalas.

Salmo 63:11

Apan ang hari maglipay diha sa Dios; ang matag usa nga manumpa pinaagi kaniya maghimaya; kay ang baba sa mga bakakon patak-omon.

Exodo 22:24

Ug ang akong kapungot mosilaob ug patyon ko kamo pinaagi sa espada, ug ang inyong mga asawa mangahimong biyuda ug ang inyong mga anak mahimong walay mga amahan.

Isaias 13:18

Ang ilang mga pana mopatay sa mga batan-ong lalaki; sila walay kaluoy sa bunga sa tagoangkan, ang ilang mga mata dili maluoy sa kabataan.

Isaias 9:16

kay sila nga nagmando niining katawhan maoy nagpahisalaag kanila, ug sila nga gimandoan nila nangalibog.

Isaias 9:17

Busa ang Ginoo wala malipay sa ilang mga batan-on nga lalaki, ug walay kaluoy sa mga wala nay amahan ug sa mga biyuda; kay ang tanan mapasipalahon ug tigbuhat ug daotan, ug ang matag baba nagsulti ug binuang. Bisan pa niining tanan ang iyang kasuko wala mapuypoy ug ang iyang kamot gibakyaw gihapon niya.

Jeremias 12:3

Apan ikaw, O Ginoo, nakaila kanako; ikaw nakakita kanako, ug nagsulay sa akong kasingkasing nganha kanimo. Guyora sila sama sa mga karnero nga ihawonon, ug igahin sila alang sa adlaw sa pag-ihaw

Jeremias 14:16

Ug ang katawhan nga ilang gipropesiyahan ipanglabay sa kadalanan sa Jerusalem, mga biktima sa gutom ug sa espada ug walay molubong kanila—kanila, sa ilang mga asawa, sa ilang mga anak nga lalaki ug sa ilang mga anak nga babaye. Kay akong ibubo kanila ang ilang pagkadaotan.

Jeremias 15:7

Gialig-ig nako sila pinaagi sa igpapalid diha sa mga ganghaan sa yuta; gipasubo nako sila, akong gilaglag ang akong katawhan; wala sila mobiya sa ilang mga pamaagi.

Jeremias 15:8

Gipadaghan nako ang ilang mga biyuda kay sa balas sa kadagatan; sa kaudtohon gipadad-an nako ug tiglaglag ang mga inahan sa mga batan-ong lalaki; gihimo nako nga ang kasakit ug ang kalisang mahulog sa kalit kanila.

Jeremias 50:30

Busa ang iyang mga batan-ong lalaki mangapukan sa iyang mga hawan nga dapit, ug ang tanan niyang mga sundalo mangalaglag nianang adlawa, nag-ingon ang Ginoo.

Jeremias 9:21

Kay ang kamatayon midangat sa atong mga bintana, misulod kini sa atong mga palasyo, nanghabas sa mga kabataan gikan sa kadalanan, ug sa mga batan-ong lalaki gikan sa mga taboan.

Mga Pagbangotan 1:15

“Gitamakan sa Ginoo ang tanan nakong kusgan nga mga tawo diha sa akong atubangan; siya nagpatawag ug tigom batok kanako aron sa pagdugmok sa akong mga batan-ong lalaki; ang Ginoo nagtamak sa anak nga ulay sa Juda sama sa pagtamak diha sa pug-anan.

Mga Pagbangotan 5:3

Kami nahimong mga ilo, mga wala nay amahan; ang among mga inahan nahimong sama sa mga biyuda.

Ezequiel 16:38

Ug hukman ikaw nako sama sa mga babaye nga nagbungkag sa kaminyoon ug nagpaagas sa dugo, ug dad-on nako diha kanimo ang dugo sa kaligutgot ug sa pangabubho.

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Amos 4:10

“Gipadad-an ko kamo sa kamatay sama sa nahitabo sa Ehipto. gipamatay nako ang inyong mga batan-ong lalaki pinaagi sa espada; gikuha nako ang inyong mga kabayo; ug akong gipasulod ang kabaho sa inyong kampo nganha sa inyong mga ilong apan bisan pa niana, kamo wala mobalik kanako,” nag-ingon ang Ginoo.

Deuteronomio 32:25

Ang anaa sa gawas mangamatay pinaagi sa espada, ug ang atua sa mga lawak mangalisang, mangalaglag ang batan-ong lalaki ug ang ulay, ang nagsuso uban ang tawo nga tigulang.

2 Timoteo 4:14

Si Alejandro, ang tigsalsal ug bronsi, nakahimo kanako ug dakong kadaot. Ang Ginoo maghatag unya kaniya sumala sa iyang mga binuhatan.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.