Jeremias 18:17

Ang Biblia 2011

Sama sa hangin gikan sa silangan katagon nako sila sa atubangan sa kaaway. Pakitaon nako sila sa akong likod, ug dili sa akong nawong, sa adlaw sa ilang katalagman.”

Cross References

Job 27:21

Ang hangin sa silangan moalsa kaniya ug siya mahanaw; kini mopadpad kaniya gikan sa iyang dapit.

Salmo 48:7

Pinaagi sa hangin sa silangan giguba nimo ang mga barko sa Tarsis.

Mga Panultihon 24:16

kay ang matarong nga tawo mapukan sa makapito ug mobangon pag-usab; apan ang daotan mapukan pinaagi sa katalagman.

Jeremias 13:24

Katagon ko kamo sama sa uhot nga gipalid sa hangin nga gikan sa kamingawan.

Jeremias 2:27

nga nag-ingon sa usa ka kahoy, ‘Ikaw mao ang akong amahan,’ ug ngadto sa usa ka bato, ‘Ikaw mao ang nagpahimugso kanako.’ Kay sila mitalikod kanako ug wala moatubang. Apan sa panahon sa ilang kalisod sila moingon, ‘Tindog, ug luwasa kami!’

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Ezequiel 27:26

Ang imong mga tigbugsay nagdala kanimo ngadto sa kalaworan. Ang hangin sa silangan nagguba kanimo taliwala sa kadagatan.

Ezequiel 7:22

Ilingiw nako ang akong nawong gikan kanila, aron sila manamastamas sa akong bililhon nga dapit ug ang mga tulisan mosulod ug manamastamas niini.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

Deuteronomio 28:64

Ug ang Ginoo magpatibulaag kaninyo sa taliwala sa tanang katawhan, gikan sa usa ka tumoy sa yuta ngadto sa pikas ug didto mag-alagad kamo sa lain nga mga dios nga hinimo sa kahoy ug bato nga wala mailhi ninyo o sa inyong katigulangan.

Deuteronomio 31:17

Unya ang akong kapungot mosilaob batok kanila nianang adlawa ug ako mobiya kanila, ug tagoon nako ang akong nawong gikan kanila ug mangalaglag sila. Ug daghang kadaotan ug mga kagul-anan ang moabot kanila nga tungod niana moingon sila nianang adlawa, ‘Dili ba nga miabot kanato kining kadaotan tungod kay ang atong Dios wala mag-uban kanato?’

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.