Jeremias 18:13

Ang Biblia 2011

“Busa mao kini ang giingon sa Ginoo: Pangutana kamo karon sa mga nasod, kinsa ang nakadungog sa sama niini? Ang ulay nga Israel nakabuhat ug ngil-ad nga butang.

Cross References

Isaias 36:22

Unya si Eliakim nga anak ni Hilkias, ang tinugyanan sa panimalay, ug si Sebna nga sekretaryo ug si Joa nga anak ni Asaf, ang tiglista, nangadto kang Hesekias, nga ang ilang mga bisti gisi ug misugilon kaniya sa gisulti sa Rabsakes.

Isaias 66:8

Kinsay nakadungog ug ingon nianang butanga? Kinsay nakakita ug ingon nianang mga butanga? Matawo ba ang usa ka yuta sa usa ka adlaw? Mahimugso ba ang usa ka nasod sa usa ka gutlo? Kay sa diha nga ang Zion nagbati, gianak niya ang iyang mga anak.

Jeremias 14:17

“Isulti kanila kining pulonga: ‘Paagasa ang mga luha sa akong mga mata sa adlaw ug gabii, ug ayaw kini pahunonga, kay ang ulay nga anak sa akong katawhan nasamdan sa usa ka dakong samad, sa hilabihan ka kusog nga hampak.

Jeremias 18:14

Mawala ba ang yelo sa Lebanon nga gikan sa bato sa Sirion? Mohubas ba ang mga tubig sa bukid, ang mga nagbaha nga bugnawng sapa?

Jeremias 23:14

Apan sa mga propeta sa Jerusalem, nakita nako ang usa ka makalilisang nga butang: sila nanapaw ug nagkinabuhi sa kabakakan; gipalig-on nila ang mga kamot sa mga tigbuhat ug daotan, aron walay mobiya gikan sa iyang pagkadaotan; ang tanan kanila nahimong sama sa Sodoma alang kanako ug ang mga nagpuyo niini sama sa Gomora.”

Jeremias 31:4

Tukoron ko ikaw pag-usab ug ikaw matukod, O ulay nga Israel! Dayandayanan na usab nimo ang imong kaugalingon sa mga tambor nga gagmay, ug ikaw moadto sa sayaw sa mga naglipay.

Jeremias 5:30

Ang usa ka makapahibulong ug makalilisang nga butang nahitabo sa yuta:

Mga Pagbangotan 1:15

“Gitamakan sa Ginoo ang tanan nakong kusgan nga mga tawo diha sa akong atubangan; siya nagpatawag ug tigom batok kanako aron sa pagdugmok sa akong mga batan-ong lalaki; ang Ginoo nagtamak sa anak nga ulay sa Juda sama sa pagtamak diha sa pug-anan.

Oseas 6:10

Sa balay sa Israel akong nakita ang usa ka makalilisang nga butang, atua didto ang pagpakighilawas sa Efraim, ang Israel nahugawan.

Amos 5:1

Pamatia ninyo kining pulong nga akong gihimo alang kaninyo diha sa pagbangutan, O balay sa Israel:

Amos 5:2

“Napukan, dili na makabangon ang ulay nga Israel; gipasagdan diha sa iyang yuta nga walay bisan usa nga mobangon kaniya.”

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

1 Samuel 4:7

ang mga Filistihanon nangahadlok nga nag-ingon, “Ang Dios nahiabot sa kampo.” Ug sila miingon, “Pagkaalaot nato! Kay walay usa ka butang nga nahitabo nga sama niini sukad masukad.