Jeremias 18:10

Ang Biblia 2011

ug kon kini magbuhat ug daotan sa akong panan-aw, nga sila dili mamati sa akong tingog, maghinulsol ako sa kaayohan nga akong gihunahuna nga akong buhaton niini.

Cross References

Salmo 125:5

Apan kadtong mga mitipas ngadto sa ilang mga dalan nga hiwi, ang Ginoo maghingilin uban sa mga tigbuhat ug daotan! Ang kalinaw maanaa unta sa Israel!

Ezequiel 18:24

Apan sa diha nga ang matarong motalikod gikan sa iyang pagkamatarong, ug magpakasala ug magbuhat ug sama nga mga dulumtanan nga gibuhat sa tawo nga daotan, mabuhi ba siya? Walay usa sa iyang mga matarong nga buhat nga iyang nahimo nga hinumdoman. Tungod sa kalapasan nga iyang nahimo ug sa kasal-anan nga iyang nabuhat, siya mamatay.

Ezequiel 33:12

Ug ikaw, anak sa tawo, ingna ang imong katawhan: Ang pagkamatarong sa tawong matarong dili makapalingkawas kaniya sa diha nga siya magpakasala, ug mahitungod sa kadaotan sa tawong daotan, siya dili mahulog tungod niini sa diha nga siya mobiya gikan sa iyang kadaotan o mabuhi kadtong matarong tungod sa iyang pagpagkamatarong sa diha nga siya magpakasala.

Ezequiel 33:18

Sa diha nga ang matarong mobiya gikan sa iyang pagkamatarong ug magbuhat ug daotan, siya mamatay tungod niini.

Ezequiel 45:20

Unya himoon nimo ang samang paagi sa ikapitong adlaw sa bulan alang sa matag usa nga nakasala tungod sa sayop o sa pagkawalay kahibalo, busa himoon nimo ang pagtabon sa sala alang sa Templo.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 14:23

sila dili gayod makakita sa yuta nga gipanumpa nako sa ilang katigulangan o bisan kinsa kanila nga nagtamay kanako dili makakita niini.

Numeros 14:34

Sumala sa gidaghanon sa mga adlaw sa inyong pagpaniid sa yuta: 40 ka adlaw, usa ka adlaw tumbas sa usa ka tuig, kamo magpas-an sa inyong pagkadaotan sulod sa 40 ka tuig, ug mailhan ninyo ang akong kapungot.’

1 Samuel 13:13

Ug si Samuel miingon kang Saul, “Ikaw naghimo ug binuang, wala ikaw magtuman sa sugo sa Ginoo nga imong Dios nga iyang gisugo kanimo kay karon lig-onon unta sa Ginoo ang imong gingharian diha sa Israel hangtod sa kahangtoran.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.

1 Samuel 15:35

Si Samuel wala na makigkita kang Saul pag-usab hangtod sa adlaw sa iyang kamatayon, apan si Samuel nagbangutan tungod kang Saul. Ug ang Ginoo nasubo nga iyang gihimo si Saul nga hari sa Israel.

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.