Jeremias 17:9

Ang Biblia 2011

Ang kasingkasing malimbongon labaw sa tanang mga butang, ug hilabihan gayod ka daotan; kinsay makasabot niini?

Cross References

Genesis 6:5

Nakita sa Ginoo nga dako ang pagkadaotan sa tawo sa ibabaw sa yuta ug nga ang tanang anaa sa mga hunahuna sa iyang kasingkasing kanunay lamang nga daotan.

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

2 Samuel 11:15

Ang iyang sulat mao kini, “Ibutang si Uria sa atubangan gayod sa gubat diin labing bangis ang panagsangka ug palayo gikan kaniya aron siya masamaran ug mamatay.”

Salmo 51:5

Tan-awa, natawo ako diha sa kasal-anan, ug sa sala gipanamkon ako sa akong inahan.

Salmo 64:7

Apan ang Dios mopana kanila; sa kalit masamdan sila.

Mga Panultihon 28:26

Siya nga nagsalig sa iyang kaugalingong kasingkasing usa ka buangbuang, apan siya nga naglakaw sa kaalam ipalingkawas.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Jeremias 16:12

ug tungod kay ngil-ad pa ang inyong nabuhat kay sa inyong mga katigulangan, kay kamong tanan nagsunod sa inyong gahi ug daotan nga kabubut-on, nagdumili sa pagpamati kanako;

Jeremias 7:24

Apan sila wala mamati, o magkiling sa ilang mga dalunggan, kondili naglakaw sa ilang kaugalingong mga tambag ug sa kagahi sa daotan nilang kasingkasing, ug misibog ug wala mopadayon.

Mateo 13:15

Kay ang kasingkasing niining mga tawhana gikubalan ug ang ilang mga dalunggan gilisdan sa pagpaminaw, ug ang ilang mga mata gipiyong nila kay tingali unya hinuon ug makakita sila pinaagi sa ilang mga mata ug makabati pinaagi sa ilang mga dalunggan ug makasabot pinaagi sa ilang kasingkasing, ug mamalik sila kanako aron ayohon nako sila!’

Mateo 15:19

Kay gikan sa kasingkasing mogula ang mga daotang hunahuna, pagpatay, panapaw, salawayong pakighilawas, pangawat, pagsaksi ug bakak, pagpasipala.

Marcos 2:17

Sa pagkadungog ni Jesus niini, siya miingon kanila, “Ang mga maayo ug lawas wala magkinahanglan ug mananambal, kondili ang mga masakiton. Ako mianhi dili sa pagtawag sa mga matarong, kondili sa mga makasasala.”

Roma 1:21

kay bisan ug nahibalo sila sa Dios, wala nila siya pasidunggi ingon nga Dios o magpasalamat sila kaniya, hinuon ang ilang pangatarongan nahimong walay hinungdan ug gingitngitan ang ilang walay buot nga kasingkasing.

Roma 7:11

Kay ang sala, sa dihang nakakita ug higayon diha sa kasugoan, milimbong kanako ug pinaagi niini mipatay kanako.

Mga Taga-Efeso 4:22

Gitudloan kamo sa paghukas sa inyong daang pagkatawo nga iya pa sa inyong karaang pamatasan nga nadunot tungod sa mga malimbongong kaibog,

Mga Hebreo 3:12

Pagmatngon, mga igsoon, basin unya nga diha kaninyo adunay daotan ug dili matinuohong kasingkasing nga mibiya gikan sa buhi nga Dios.