Jeremias 17:5

Ang Biblia 2011

Mao kini ang giingon sa Ginoo, “Tinunglo ang tawo nga nagsalig sa tawo ug naghimo sa unod nga maoy iyang kusog, nga ang kasingkasing mibiya sa Ginoo.

Cross References

2 Cronicas 16:12

Sa ika-39 nga tuig sa iyang paghari, si Asa nasakit sa iyang tiil ug milamay ang iyang sakit, apan bisan sa iyang pagkasakit, wala siya mangita sa Ginoo, hinuon midangop sa mga mananambal.

2 Cronicas 32:8

Uban kaniya usa ka bukton nga unod apan uban kanato mao ang Ginoo nga atong Dios aron sa pagtabang kanato ug sa pagpakig-away sa atong mga gubat.” Ang katawhan misalig sa mga pulong ni Hesekias nga hari sa Juda.

Salmo 18:21

Kay nagsubay ako sa mga dalan sa Ginoo, ug wala ako mobulag sa akong Dios ngadto sa pagkadaotan.

Salmo 62:9

Ang mga tawo nga ubos ug kahimtang usa lamang ka gininhawa, ang mga tawo nga taas ug kahimtang usa lamang ka lamat; diha sa mga timbangan, sila mosaka; sila gaan pa kay sa gininhawa.

Isaias 2:22

Biyai ninyo ang tawo nga ang gininhawa anaa sa iyang ilong; kay sa unsa man siya isipon?

Isaias 20:5

Unya sila malisang ug malibog, tungod sa Etiopia nga ilang paglaom ug sa Ehipto nga ilang himaya.

Isaias 36:6

Tan-awa, ikaw nagsalig sa Ehipto, sa sungkod nga bagakay nga buak nga maoy motusok sa kamot ni bisan kinsa nga mosandig niini. Mao kana ang Paraon nga hari sa Ehipto ngadto sa tanan nga nagsalig kaniya.

Isaias 59:15

Ang kamatuoran kulang, ug kadtong mobiya sa daotan naghimo sa iyang kaugalingon nga usa ka tukbonon. Ang Ginoo nakakita niini, ug kini nakapasubo kaniya nga walay hustisya.

Jeremias 11:3

Ingna sila, Mao kini ang giingon sa Ginoo, ang Dios sa Israel: Tinunglo ang tawo nga wala magtagad sa mga pulong niining kasabotan,

Ezequiel 6:9

Unya kadtong pipila kaninyo nga makaikyas mahinumdom kanako taliwala sa mga nasod diin didto dad-on sila nga mga binihag tungod kay ako naguol pag-ayo tungod sa ilang mapatuyangon nga kasingkasing nga mibulag gikan kanako, ug sa ilang mapatuyangong mga mata nga misunod sa ilang mga diosdios. Ug sila lud-on sa ilang kaugalingon diha sa ilang atubangan tungod sa kadaotan nga ilang nahimo, tungod sa tanan nilang mga dulumtanan.

Oseas 1:2

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”