Jeremias 17:3

Ang Biblia 2011

sa kabukiran diha sa hawan nga kapatagan. Ihatag nako ang imong katigayonan ug ang tanan nimong mga bahandi aron ipailog ingon nga bili sa imong sala, sa tibuok nimong kayutaan.

Cross References

2 Mga Hari 24:13

Ug iyang gidala gikan didto ang tanan nga mga bahandi sa balay sa Ginoo ug ang mga bahandi sa balay sa hari, ug gidugmok ang tanan nga mga sudlanan nga bulawan nga diha sa Templo sa Ginoo nga gibuhat ni Solomon nga hari sa Israel sumala sa gisulti nang daan sa Ginoo.

Salmo 78:58

Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Jeremias 12:12

Diha sa tibuok hawan nga kabungtoran sa kamingawan, ang mga tiglaglag nangabot; kay ang espada sa Ginoo milamoy gikan sa usa ka tumoy sa yuta ngadto sa pikas sa yuta; walay usa nga adunay kalinaw.

Jeremias 15:13

“Ang imong katigayonan ug ang imong mga bahandi ihatag nako ingon nga inilog nga walay bili, alang sa tanan nimong mga sala, sa tibuok nimong dapit.

Jeremias 20:5

Dugang pa, akong ihatag ang tanang bahandi niining siyudad, ang tanang ganansiya niini, ang tanang mga bililhon nga butang niini ug ang tanang mga bahandi sa mga hari sa Juda ngadto sa mga kamot sa ilang mga kaaway nga manglungkab kanila ug modakop kanila ug magdala kanila ngadto sa Babilonia.

Jeremias 21:13

“Tan-awa, ako batok kanimo, O mga lumulupyo sa walog, O bato sa kapatagan, nag-ingon ang Ginoo; kamo nga nag-ingon, ‘Kinsay moanhi batok kanato, o kinsay mosulod sa atong puluy-anan?’

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Mga Pagbangotan 1:10

Ang kaaway nagtuyhad sa iyang mga kamot ibabaw sa tanan niyang nga bililhong mga butang; Oo, nakita niya ang mga nasod nga misulod sa iyang balaang puluy-anan, kadtong gidid-an nimo sa pagsulod sa imong tigom.

Ezequiel 16:39

Ug itugyan ko ikaw sa kamot sa imong mga hinigugma, ug gub-on nila ang imong lawak nga tinakpan ug lumpagon ang imong mga habog nga dapit ug huboan ikaw nila sa imong mga bisti, ug kuhaon ang imong mga matahom nga alahas, ug biyaan ikaw nila nga hubo ug walay tabon.

Ezequiel 23:46

Kay mao kini ang giingon sa Ginoong Dios: “Pagdala ug usa ka panon batok kanila ug himoa sila nga lisangonon ug ilogonon.

Ezequiel 6:3

ug isulti kini: Kamong mga bukid sa Israel, pamatia ang pulong sa Ginoong Dios! Mao kini ang giingon sa Ginoong Dios ngadto sa mga bukid ug sa mga bungtod, sa mga pangpang ug sa mga walog: Tan-awa, ako, ako gayod magdala ug espada nganha ninyo, ug lumpagon nako ang inyong mga habog nga dapit.

Levitico 26:30

Ug gub-on nako ang inyong mga habog nga dapit ug tumpagon nako ang inyong mga halaran sa insenso ug ibutang nako ang inyong mga lawas nga patay ibabaw sa patay nga lawas sa inyong mga diosdios ug ang akong kalag magdumot kaninyo.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Sofonias 1:13

Ang ilang kabtangan mahimong sakmiton, ug ang ilang mga balay tumpagon. Bisan ug sila magtukod ug mga balay, sila dili makapuyo niini; bisan ug sila magtanom ug kaparasan, sila dili makainom sa bino gikan niini.”