Jeremias 17:22

Ang Biblia 2011

Ug ayaw kamo pagpas-an ug palas-anon ngadto sa gawas gikan sa inyong mga balay panahon sa adlaw nga igpapahulay, o magbuhat kamo ug bisan unsang buluhaton, kondili balaana ninyo ang adlaw nga igpapahulay sumala sa gisugo nako sa inyong mga katigulangan.

Cross References

Nehemias 13:15

Niadtong mga adlawa akong nakita didto sa Juda ang mga tawo nga nagpigis ug ubas sa adlaw nga igpapahulay ug nagdala ug mga pinundok nga lugas ug gikarga kini sa mga asno ug mga bino usab, mga paras, mga igos, ug tanang matang sa palas-anon nga ilang gidala ngadto sa Jerusalem panahon sa adlaw nga igpapahulay. Ug ako nagpasidaan kanila sa adlaw nga sila nagbaligya ug mga pagkaon.

Exodo 23:12

“Sulod sa unom ka adlaw buhata ninyo ang inyong mga buluhaton ug sa ikapitong adlaw kinahanglan nga mopahulay kamo aron makapahulay ang inyong baka ug ang inyong asno ug ang anak sa inyong ulipon nga babaye ug ang langyaw maulian sa kabaskog.

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Jeremias 17:24

“ ‘Apan kon mamati kamo kanako, nag-ingon ang Ginoo, ug dili magdala ug palas-anon agi sa mga ganghaan niining siyudara panahon sa adlaw nga igpapahulay, kondili magbalaan sa adlaw nga igpapahulay ug dili magbuhat panahon niini,

Ezequiel 20:12

Gihatag usab nako kanila ang akong mga adlawng igpapahulay, aron mahimong usa ka timaan taliwala kanako ug kanila, aron sila makaila nga ako, ang Ginoo, nagbalaan kanila.

Ezequiel 22:8

Gitamay nimo ang akong mga balaang butang ug gipasipalahan ang akong mga adlaw nga igpapahulay.

Levitico 19:3

Kamong tanan kinahanglang magtahod sa iyang inahan ug sa iyang amahan ug tumana ang akong mga adlaw nga igpapahulay. Ako mao ang Ginoo nga inyong Dios.

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Zacarias 1:4

Ayaw kamo pagpakasama sa inyong katigulangan, nga kanila ang unang propeta misinggit, ‘Mao kini ang giingon sa Ginoo sa mga panon, Balik kamo karon gikan sa inyong daotan nga mga pamaagi, ug gikan sa inyong daotan nga mga buhat.’ Apan sila wala mamati o magpatalinghog kanako, nag-ingon ang Ginoo.

Lucas 23:56

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.

Lucas 6:5

Ug siya miingon kanila, “Ang Anak sa Tawo agalon sa adlaw nga igpapahulay.”

Gipadayag 1:10

Sa adlaw sa Ginoo diha ako sa Espiritu, ug sa akong luyo nadungog nako ang usa ka kusog nga tingog nga daw trumpeta