Jeremias 17:19

Ang Biblia 2011

Mao kini ang giingon sa Ginoo kanako, “Lakaw ug tindog sa Ganghaan ni Benjamin diin anha ang mga hari sa Juda mosulod ug anha sila mogula, ug sa tanang mga ganghaan sa Jerusalem,

Cross References

Mga Panultihon 8:1

Wala ba magtawag ang kaalam, wala ba magpatugbaw sa iyang tingog ang salabotan?

Mga Panultihon 9:3

Iyang gipalakaw ang iyang sulugoong babaye sa pagtawag gikan sa kinahabogang mga dapit sa siyudad,

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

Jeremias 17:20

ug ingna sila: ‘Pamati kamo sa pulong sa Ginoo, kamong mga hari sa Juda, ug tibuok nga Juda, ug tanang mga nagpuyo sa Jerusalem nga mosulod niining mga ganghaana.

Jeremias 19:2

ug lakaw ngadto sa walog sa anak ni Hinom, sa agianan sa Ganghaan sa mga Buak nga Banga ug ipahibalo didto ang mga pulong nga akong isulti kanimo.

Jeremias 26:2

“Mao kini ang giingon sa Ginoo: Tindog sa hawanan sa balay sa Ginoo, ug isulti ngadto sa tanang mga siyudad sa Juda nga nanganhi aron sa pagsimba sulod sa balay sa Ginoo ang tanang mga pulong nga gisugo nako kanimo nga isulti kanila; ayaw sayloi bisan usa ka pulong.

Jeremias 36:10

Unya diha sa pangdungog sa tibuok katawhan gibasa ni Baruk ang mga pulong ni Jeremias gikan sa linukot nga basahon diha sa balay sa Ginoo, sulod sa lawak ni Gemarias nga anak ni Safan nga sekretaryo, nga didto sa ibabaw nga hawanan, sa agianan sa Bag-ong Ganghaan sa balay sa Ginoo.

Jeremias 36:6

busa kinahanglan nga moadto ikaw, ug sa adlaw sa pagpuasa diha sa pangdungog sa tanang katawhan diha sa balay sa Ginoo imong basahon ang mga pulong sa Ginoo gikan sa basahon nga imong gisulat ubos sa akong pagmando. Basahon usab nimo kini diha sa pangdungog sa tanang mga tawo sa Juda nga migula gikan sa ilang mga siyudad.

Jeremias 7:2

“Tindog sa ganghaan sa balay sa Ginoo, ug isangyaw didto kining pulonga ug isulti, Pamatia ang pulong sa Ginoo, kamong tanan nga katawhan sa Juda nga misulod niining mga ganghaan aron sa pagsimba sa Ginoo.

Mga Buhat 5:20

“Lakaw ug tindog sulod sa Templo ug sultihi ang katawhan sa tanang pulong mahitungod niining maong kinabuhi.”