Jeremias 17:14

Ang Biblia 2011

Ayoha ako, O Ginoo, ug ako mamaayo; luwasa ako, ug ako maluwas; kay ikaw mao ang akong pagdayeg.

Cross References

Salmo 106:47

Luwasa kami, O Ginoo nga among Dios, ug tigoma kami gikan sa kanasoran, aron kami magpasalamat sa imong ngalan nga balaan, ug maghimaya diha sa pagdayeg kanimo.

Salmo 109:1

Ayaw pagpakahilom, O Dios sa akong pagdayeg!

Salmo 119:94

Imoha ako, luwasa ako, kay gitun-an nako ang imong mga lagda.

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Salmo 148:14

Nagpatindog siya ug usa ka sungay alang sa iyang katawhan, pagdayeg alang sa tanan niyang mga balaan, alang sa katawhan sa Israel nga duol kaniya. Dayega ang Ginoo!

Salmo 54:1

Luwasa ako, O Dios, pinaagi sa imong ngalan, ug pamatud-i ako nga matarong pinaagi sa imong gahom.

Salmo 6:2

Kaluy-i ako, O Ginoo, kay ako naluya na; ayoha ako, O Ginoo, kay ang akong mga bukog nagkalisod.

Salmo 6:3

Ang akong kalag usab nagubot sa hilabihan gayod. Apan ikaw, O Ginoo, hangtod kanus-a ba?

Salmo 6:4

Balik, O Ginoo, luwasa ang akong kinabuhi; luwasa ako tungod ug alang sa imong gugmang walay paglubad.

Salmo 60:5

Aron maluwas ang imong mga gihigugma, hatagi ug kadaogan pinaagi sa imong tuong kamot ug tubaga kami!

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Jeremias 15:20

Ug ikaw akong buhaton alang niining katawhan ingon nga usa ka lig-on nga paril nga bronsi; sila makig-away batok kanimo, apan sila dili makadaog kanimo, kay ako mag-uban kanimo aron sa pagluwas kanimo ug sa pagpalingkawas kanimo, nag-ingon ang Ginoo.

Jeremias 3:23

Sa pagkatinuod ang kabungtoran mga limbong, mga kaguliyang sa ibabaw sa kabukiran. Sa pagkatinuod diha sa Ginoo nga atong Dios anaa ang kaluwasan sa Israel.

Jeremias 30:17

Kay ibalik nako ang kalagsik nganha kanimo, ug ayohon nako ang imong mga samad, nag-ingon ang Ginoo, tungod kay sila nagtawag kanimo nga usa ka sinalikway: ‘Mao kini ang Zion, walay nagtagad kaniya!’

Jeremias 31:18

“Nadungog nako si Efraim nga nagbakho, ‘Gikastigo nimo ako, ug ako napanton, sama sa usa ka nating baka nga wala mabansay; dad-a ako pagbalik aron ako mahibalik, kay ikaw mao ang Ginoo nga akong Dios.

Jeremias 33:6

Dad-an nako kini ug maayong panglawas ug kaayohan sa sakit ug ayohon nako sila ug ipadayag kanila ang kadagaya sa pagkamauswagon ug kasigurohan.

Numeros 12:13

Ug mituaw si Moises ngadto sa Ginoo, “Nangaliyupo ako kanimo, O Dios, nga ayohon nimo siya.”

Mateo 14:30

Apan sa pagkakita niya sa hangin, nahadlok siya ug sa nag-anam siya pagtidlom, misinggit siya nga nag-ingon, “Ginoo, luwasa ako!”

Mateo 8:25

Ug giduol nila siya ug gipukaw nga nag-ingon, “Ginoo, tabang! Mangamatay na kita.”

Lucas 4:18

“Ang Espiritu sa Ginoo ania kanako, iya akong gidihogan aron sa pagwali sa Maayong Balita ngadto sa mga kabos. Gipadala niya ako aron sa pagpahibalo sa kagawasan alang sa mga binilanggo ug sa pagpahiuli sa panan-aw sa mga buta, sa paghatag ug kagawasan ngadto sa mga dinaogdaog,

Deuteronomio 10:21

Siya mao ang inyong pagdayeg ug siya mao ang inyong Dios nga nagbuhat alang kaninyo niining dagko ug makalilisang nga mga butang nga nakita sa inyong mga mata.

Deuteronomio 32:39

“ ‘Tan-awa ninyo, karon nga ako, bisan ako, mao siya, ug walay dios gawas kanako. Ako nagpatay ug ako nagbuhi; ako nagsamad ug ako nag-ayo; ug walay makalingkawas gikan sa akong kamot.