Jeremias 17:11

Ang Biblia 2011

Sama sa buntog nga nagtapok sa mga piso nga wala niya lumlomi, mao usab siya nga nag-angkon ug mga bahandi apan dili pinaagi sa katarong; taliwala sa iyang mga adlaw, kini mobiya kaniya, ug sa iyang kataposan siya mahimong usa ka buangbuang.

Cross References

Job 20:21

Wala gayoy nahibilin human siya mokaon busa dili gayod molungtad ang iyang pagkamauswagon.

Salmo 49:13

Mao kini ang dangatan sa ilang kabuang, ang sangpotan niadtong mga nahimuot sa ilang mga gipamulong. Selah

Salmo 55:23

Apan ikaw, O Dios, magtambog kanila ngadto sa gahong sa pagkalaglag; ang mga madugoon ug limbongan dili mabuhi sa katunga sa ilang mga adlaw. Apan ako mosalig kanimo.

Mga Panultihon 13:11

Ang bahandi nga daling makuha magkawala, apan kadtong nagtigom sa hinayhinay magpadaghan niini.

Mga Panultihon 15:27

Siya nga hakog sa dili matarong nga ganansiya naghimo ug kasamok sa iyang panimalay, apan siya nga nagdumot sa mga suborno mabuhi.

Mga Panultihon 21:6

Ang pagbaton ug mga bahandi pinaagi sa usa ka bakakong dila maoy usa ka gabon nga gipalid, ug lit-ag sa kamatayon.

Mga Panultihon 23:5

Sa diha nga ang imong mata magtan-aw niini, kini mawala; kay sa kalit kini makabaton ug mga pako, molupad sama sa usa ka agila paingon sa langit.

Mga Panultihon 28:16

Ang pangulo nga kulang sa panabot bangis nga tigdaogdaog; apan siya nga nagdumot sa dili matarong nga ganansiya maglugway sa iyang mga adlaw.

Mga Panultihon 28:20

Ang usa ka matinumanon nga tawo magmadagayaon sa mga panalangin, apan siya nga nagdali nga madato dili mahimong dili silotan.

Mga Panultihon 28:22

Ang tihik nga tawo nagdali nga madato, ug wala mahibalo nga ang kawalad-on moabot kaniya.

Mga Panultihon 28:8

Kadtong nagpadaghan sa iyang bahandi pinaagi sa tubo ug usbaw nagtigom niini alang kaniya nga maayo ngadto sa kabos.

Jeremias 22:13

“Alaot kadtong nagtukod sa iyang balay sa paagi nga dili matarong, ug sa iyang mga lawak sa itaas sa paagi nga dili makataronganon; nga naghimo sa iyang isigkatawo nga mag-alagad nga walay bayad ug dili mohatag kaniya sa iyang suhol;

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Amos 3:10

“Sila dili mahibalong mobuhat ug matarong, sila nga nagtigom pinaagi sa kabangis ug pagpanulis sulod sa ilang mga salipdanan,” nag-ingon ang Ginoo.

Miqueas 2:9

Ang mga babaye sa akong katawhan inyong gipapahawa, gikan sa ilang hamogaway nga mga balay; gikan sa ilang batan-ong mga anak gikuha ninyo ang akong himaya hangtod sa kahangtoran.

Miqueas 7:3

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Sofonias 1:9

Nianang adlawa akong silotan kadtong tanan nga nanglukso sa tugkaran, ug kadtong nagpuno sa balay sa ilang agalon uban ang pagpanglupig ug pagpanglimbong.”

Zacarias 5:4

Pagulaon nako kini, nag-ingon ang Ginoo sa mga panon, ug kini mosulod sa balay sa kawatan, ug sa sulod sa balay niadtong nanumpa ug bakak pinaagi sa akong ngalan, ug magpabilin kini taliwala sa iyang balay ug maglamoy niini uban sa mga kahoy ug mga bato nga anaa niini.”

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

Lucas 12:20

Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’

1 Timoteo 6:9

Apan sila nga maikagon nga mahimong dato mangahulog ngadto sa pagpakasala, ngadto sa laang, ngadto sa daghang binuang ug makadaot nga mga pagpangibog nga nag-unlod sa mga tawo ngadto sa pagkagun-ob ug sa pagkalaglag.

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

2 Pedro 2:14

Sila may mga mata nga puno sa pagpanapaw ug dili matagbaw sa sala. Nagtintal sila sa mga tawong huyang. Sila adunay mga kasingkasing nga naanad sa kahakog, kaliwatan sila nga tinunglo!

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.