Jeremias 16:7

Ang Biblia 2011

Walay magtipak ug pan alang sa nagsubo aron sa paghupay kaniya tungod sa namatay o adunay maghatag kanila sa kupa sa paglipay aron mainom tungod sa iyang amahan o sa iyang inahan.

Cross References

Job 42:11

Unya miduol kaniya ang tanang mga igsoon nga lalaki, ug ang tanan niyang mga igsoon nga babaye, ug ang tanan nga kaniadto iyang kaila, ug sa iyang balay nangaon sila uban kaniya. Ug sila nagpakita kaniya ug kaluoy ug naghupay kaniya, tungod sa tanang kadaot nga gipadangat kaniya sa Ginoo. Ug ang matag usa kanila naghatag kaniya ug usa ka buok salapi, ug usa ka singsing nga bulawan.

Ecclesiastes 4:1

Nakita nako pag-usab ang tanan nga mga pagdaogdaog nga gihimo ilalom sa adlaw. Ug tan-awa, ang mga luha niadtong mga dinaogdaog, ug walay bisan usa nga naghupay kanila! Didto sa dapit sa mga nagdaogdaog kanila adunay gahom, ug walay bisan usa nga naghupay kanila.

Jeremias 22:10

Ayaw kamo paghilak tungod sa namatay, o magbakho tungod kaniya; kondili panghilak kamo sa hilabihan tungod kaniya nga mibiya, kay siya dili na mobalik aron sa pagtan-aw sa iyang yutang natawhan.

Mga Pagbangotan 1:9

Ang iyang kahugaw anaa sa iyang mga bisti, siya wala maghunahuna sa iyang kaalaotan; busa ang iyang pagkahulog makalilisang, siya walay maglilipay. “O Ginoo, sud-onga ang akong kagul-anan, kay ang kaaway nagmadaogon!”

Ezequiel 24:17

Panghupaw, apan ayaw kusga. Ayaw pagbangutan tungod sa mga nangamatay. Ihigot ang imong purong ug isul-ob ang mga sandalyas sa imong mga tiil, ug ayaw taboni ang imong mga ngabil o kaona ang pan sa mga tigbangutan.”

Oseas 9:4

Sila dili na magbubo ug mga halad nga bino alang sa Ginoo, ug sila dili makapahimuot kaniya pinaagi sa ilang mga halad. Ang ilang pan mahisama sa pan sa nagsubo; ang tanan nga mokaon niini mahugawan, kay ang ilang pan alang man sa ilang kagutom; kini dili dad-on ngadto sa balay sa Ginoo.

Deuteronomio 26:14

Wala ako mokaon sa ikapulo samtang ako nagbangutan o magkuha ug bisan usa gikan niini samtang ako hugaw o maghalad niini alang sa mga patay. Nagtuman ako sa tingog sa Ginoo nga akong Dios, nagbuhat ako sumala sa tanan nga gisugo nimo kanako.