Jeremias 16:6

Ang Biblia 2011

Ang mga dagko ug mga gagmay mangamatay dinhi niining yutaa. Dili sila ilubong, ug walay magbangutan alang kanila, o magsamad sa iyang kaugalingon o magpaupaw sa iyang kaugalingon tungod kanila.

Cross References

2 Cronicas 36:17

Busa gipadala niya batok kanila ang hari sa mga Caldeanhon nga mipatay sa ilang mga batan-ong lalaki pinaagi sa espada diha sa balay sa ilang balaang puluy-anan ug walay kaluoy sa batan-ong lalaki o sa ulay, sa mga tigulang o sa may panuigon, gitugyan niya silang tanan ngadto sa iyang kamot.

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Isaias 24:2

Ug mahitabo kini, ingon sa katawhan, mao usab sa pari; ingon sa sulugoong lalaki, mao usab sa iyang agalon, ingon sa sulugoong babaye; mao usab sa iyang agalon nga babaye; ingon sa pumapalit, mao usab sa tigbaligya; ingon sa tigpahulam, mao usab sa tigpanghulam; ingon sa tigpautang mao usab sa tigpangutang.

Jeremias 13:13

Unya sultihi sila, ‘Mao kini ang giingon sa Ginoo: Tan-awa, akong pun-on sa kahubog ang tanang nagpuyo niining yutaa: ang mga hari nga naglingkod sa trono ni David, ang mga pari, ang mga propeta, ug ang tanang nagpuyo sa Jerusalem.

Jeremias 16:4

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Jeremias 41:5

dihay 80 ka tawo nga gikan sa Sekem, gikan sa Silo ug gikan sa Samaria nga ang ilang mga bungot gibarbas ug ang ilang mga bisti gigisi ug nga gisamaran ang ilang kaugalingon, uban ang mga halad nga pagkaon ug ang insenso diha sa ilang kamot, aron kini dad-on nila ngadto sa balay sa Ginoo.

Jeremias 47:5

Ang pagkaupaw midangat sa Gaza; ang Askelon nalaglag. O salin sa Anakihanon, unsa ba kadugay ang pagsamad nimo sa imong kaugalingon?

Jeremias 48:37

“Kay ang tanang ulo gikiskisan ug ang tanang bungot gibalbasan; ang tanang mga kamot adunay mga samad ug diha sa mga hawak ang bisti nga sako.

Jeremias 7:29

Putli ang imong buhok ug isalibay kini; pagbangutan didto sa hawan nga kabungtoran kay ang Ginoo misalikway ug mibiya sa kaliwatan sa iyang kapungot.’

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Levitico 19:27

Ayaw ninyo putli ang buhok sa inyong tampihak ug ayaw ninyo putli ang daplin sa inyong bungot.

Levitico 19:28

Ayaw ninyo samari ang inyong lawas tungod sa usa ka patay o magpapatik ug bisan unsa nga mga timaan. Ako mao ang Ginoo.

Amos 6:11

Kay tan-awa, ang Ginoo nagsugo, ug ang dakong balay gun-obon ngadto sa pagkadugmok ug ang mga gagmayng balay ngadto sa pagkapulpog.

Mateo 9:23

Sa pag-abot ni Jesus sa balay sa pangulo, nakita niya ang mga tigtukar sa plawta ug ang pundok sa mga tawo nga nagkaguliyang.

Deuteronomio 14:1

“Kamo mao ang mga anak sa Ginoo nga inyong Dios. Ayaw samari ang inyong kaugalingon o kiskisi ang inyong ulo dapit sa agtang tungod sa mga patay.

Gipadayag 20:12

Ug nakita nako ang mga nangamatay, mga dagko ug mga gagmay, nga nagtindog sa atubangan sa trono, ug dihay mga basahon nga gibukhad. May laing basahon usab nga gibukhad nga mao ang basahon sa kinabuhi. Ug ang mga nangamatay gipanghukman pinasikad sa nasulat diha sa mga basahon, sumala sa ilang mga binuhatan.

Gipadayag 6:15

Unya ang mga hari sa yuta ug ang mga bantogang tawo ug ang mga heneral ug ang mga dato ug ang mga kusgan, ug ang matag usa, ulipon ug tawong gawasnon, nanago sa mga langob ug sa mga pangpang sa kabukiran,