Jeremias 16:4

Ang Biblia 2011

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Cross References

2 Mga Hari 9:10

Ug ang mga iro mokaon kang Jesebel didto sa yuta sa Jesreel ug walay maglubong kaniya.” Unya iyang gibuksan ang pultahan ug mikagiw.

Salmo 78:64

Ang ilang mga pari nangapukan pinaagi sa espada, ug ang ilang mga biyuda wala magbangutan.

Salmo 83:10

nga nangamatay didto sa Endor, nga nangahimong pundok sa kinalibang alang sa yuta.

Isaias 18:6

Sila ibilin ingon nga mga paon sa mga mananagit nga langgam sa kabukiran, ug alang sa mga mananap sa yuta. Ug ang mga mananagit nga langgam anha mopuyo panahon sa ting-init sa ibabaw nila, ug ang tanang mga mananap sa yuta anha mopuyo panahon sa tingtugnaw sa ibabaw nila.

Isaias 5:25

Busa ang kasuko sa Ginoo misilaob batok sa iyang katawhan, ug iyang gibakyaw ang iyang kamot batok kanila ug gilaglag sila; ug ang kabukiran nauyog, ug ang ilang mga minatay nahisama sa basura taliwala sa mga dalan. Bisan pa niining tanan ang iyang kasuko wala mapalong, ug ang iyang kamot iya pa gihapong gibakyaw.

Jeremias 19:7

Ug niining dapita himoon nako nga kawang ang mga laraw sa Juda ug sa Jerusalem, ang ilang katawhan mapukan pinaagi sa espada sa atubangan sa ilang mga kaaway, ug pinaagi sa kamot niadtong nagtinguha sa ilang kinabuhi. Akong ihatag ang ilang mga patayng lawas ingon nga pagkaon alang sa mga langgam sa kalangitan ug sa mga mananap sa yuta.

Jeremias 21:6

Ug akong hampakon ang mga nagpuyo niining siyudad, tawo ug mananap, sila mangamatay sa dakong kamatay.

Jeremias 25:33

“Ug ang mga pinatay sa Ginoo nianang adlawa molukop gikan sa usa ka tumoy sa yuta ngadto sa pikas. Sila dili hilakan o hipuson o ilubong; sila mahimong kinalibang sa ibabaw sa yuta.

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Jeremias 34:20

Ihatag nako sila ngadto sa kamot sa ilang mga kaaway ug ngadto sa mga nagtinguha sa ilang mga kinabuhi. Ang ilang mga patayng lawas mahimong pagkaon sa mga langgam sa kalangitan, ug sa mga mananap sa yuta.

Jeremias 36:30

Busa mao kini ang giingon sa Ginoo mahitungod kang Jehoiakim nga hari sa Juda: Wala siyay usa nga molingkod sa trono ni David, ug ang iyang lawas isalibay ngadto sa kainit panahon sa adlaw ug sa katugnaw panahon sa kagabhion.

Jeremias 44:12

Ug kuhaon nako ang nahibilin sa Juda nga mihukom sa pag-adto sa yuta sa Ehipto aron sa pagpuyo didto, ug silang tanan mangahurot, ug mangapukan sila didto sa yuta sa Ehipto; pinaagi sa espada ug sa gutom sila mangahurot. Gikan sa labing ubos ngadto sa labing dako sila mangamatay, pinaagi sa espada ug sa gutom ug sila mangahimong mga dulumtanan, kalisangan, tunglo ug talamayon.

Jeremias 44:27

Tan-awa, ako magbantay kanila alang sa kadaotan ug dili alang sa kaayohan. Ang tanang mga tawo sa Juda nga ania sa yuta sa Ehipto mangahurot pinaagi sa espada ug sa gutom, hangtod nga adunay kataposan kanila.

Jeremias 7:33

Ug ang mga patayng lawas niini nga katawhan mahimong pagkaon sa mga langgam sa kalangitan ug sa mga mananap sa yuta, ug walay makapahadlok kanila.

Jeremias 9:22

Isulti, “Mao kini ang giingon sa Ginoo: ‘Ang mga patayng lawas sa mga tawo mangapukan sama sa kinalibang diha sa hawan nga uma, sama sa mga binugkos sa mga tig-ani ug walay motigom niini.’ ”

Mga Pagbangotan 4:9

Maayo pa ang mga gipamatay sa espada kay sa mga nangamatay sa gutom, nga naghigos, nag-antos sa kakulang sa mga bunga sa uma.

Ezequiel 24:21

‘Sultihi ang banay sa Israel, Mao kini ang giingon sa Ginoong Dios: Tan-awa, pasipalahan nako ang akong balaan nga dapit, ang garbo sa inyong gahom, ang kalipay sa inyong mga mata, ug ang tinguha sa inyong kalag. Ug ang inyong mga anak nga lalaki ug mga anak nga babaye nga inyong gibilin mangapukan pinaagi sa espada.

Ezequiel 5:12

Ang ikatulo nga bahin kaninyo mangamatay tungod sa kamatay ug mangapuo tungod sa gutom diha sa inyong taliwala, ug ang ikatulo nga bahin mangpukan pinaagi sa espada libot kaninyo, ug ang ikatulo nga bahin patibulaagon ngadto sa tanang dapit, ug laniton nako ang espada sunod kanila.

Sofonias 1:17

Akong dad-on ang kasakitan diha sa mga tawo, aron sila maglakaw sama sa mga buta, tungod kay sila nakasala batok sa Ginoo; ang ilang dugo iyabo sama sa abog, ug ang ilang unod sama sa kinalibang.

Deuteronomio 28:22

Ang Ginoo magpahamtang ug tisis, hilanat, hubag, ug kainit nga daw kalayo ug hulaw, ug sakit sa mga tanom ug maglutos sila kaninyo, hangtod nga mangamatay kamo.

Deuteronomio 28:26

Ug ang inyong mga patayng lawas mahimong pagkaon sa tanang mga langgam sa langit ug sa mga mananap sa yuta ug walay bisan kinsa nga makapahadlok kanila.