Jeremias 16:21

Ang Biblia 2011

“Busa, sila himoon gayod nako nga masayod, niining makausa lamang himoon nako nga mahibalo sila sa akong gahom ug sa akong kusog, ug sila mahibalo nga ang akong ngalan mao si Yahweh.”

Cross References

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Exodo 14:4

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Exodo 15:3

Ang Ginoo manggugubat; Yahweh ang iyang ngalan.

Exodo 6:3

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Isaias 43:3

Kay ako mao ang Ginoo nga imong Dios, ang Balaan sa Israel, ang imong Manluluwas. Gihatag nako ang Ehipto ingon nga imong lukat, ang Etiopia ug ang Seba ingon nga puli alang kanimo.

Jeremias 33:2

“Mao kini ang giingon sa Ginoo, nga nagbuhat sa kalibotan, ang Ginoo nga nag-umol niini aron sa pagtukod niini, Yahweh ang iyang ngalan:

Ezequiel 24:24

Sa ingon niini si Ezekiel alang kaninyo mao ang usa ka timaan; sumala sa tanan nga iyang gihimo kamo magbuhat. Sa diha nga kini moabot na, kamo makaila nga ako mao ang Ginoong Dios.’

Ezequiel 24:27

Nianang adlawa ikaw mobuka sa imong baba ngadto sa nakaikyas, ug ikaw mosulti ug dili na ikaw maamang. Busa ikaw mahimong timaan alang kanila ug sila makaila nga ako mao ang Ginoo.”

Ezequiel 25:14

Ug akong ipahamtang ang akong panimalos batok sa Edom pinaagi sa kamot sa akong katawhan nga Israel ug magbuhat sila ngadto sa Edom sumala sa akong kasuko ug sumala sa akong kapungot ug sila makaila sa akong panimalos, nag-ingon ang Ginoong Dios.

Ezequiel 6:7

Ug ang mga gipamatay mangatumba sa taliwala ninyo ug kamo makaila nga ako mao ang Ginoo.

Amos 5:8

Siya nga nagbuhat sa Pleades ug sa Orion, ug naghimo sa hilabihan nga kangitngit ngadto sa kabuntagon ug nagpangiob sa adlaw ngadto sa kagabhion, nga nagtawag sa katubigan sa dagat ug nagbubo niini ibabaw sa yuta, Yahweh ang iyang ngalan,