Jeremias 16:18

Ang Biblia 2011

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Cross References

Salmo 106:38

giula nila ang dugo sa walay sala, ang dugo sa ilang mga anak nga lalaki ug sa ilang mga anak nga babaye, nga gihalad nila ngadto sa mga diosdios sa Canaan; ug ang yuta nahugawan tungod sa dugo.

Isaias 24:5

Ang yuta nahugawan pinaagi sa mga nagpuyo niini, tungod kay ilang gilapas ang mga balaod, gisupak ang mga lagda, giguba ang kasabotan nga walay kataposan.

Isaias 40:2

Sulti nga malumo sa Jerusalem ug hilak ngadto kaniya, nga ang iyang panahon sa gubat natapos na, nga ang iyang kasal-anan gipasaylo na, nga siya nakadawat ug duha ka pilo gikan sa kamot sa Ginoo tungod sa tanan niyang mga sala.

Isaias 61:7

Inay kaulawan ninyo, kamo makabaton ug duha ka bahin, ug inay sa pagkawalay dungog, kamo maglipay sa inyong bahin; busa sa inyong yuta kamo makapanag-iya ug duha ka bahin, ang kalipay nga walay kataposan mainyo.

Isaias 65:6

Tan-awa, kini nasulat sa akong atubangan: “Ako dili mohilom, apan mobalos ako, Oo, ako mobalos diha sa ilang sabakan,

Isaias 65:7

sa ilang kasal-anan uban sa mga kasal-anan sa ilang katigulangan, nag-ingon ang Ginoo; tungod kay sila nga nagsunog ug insenso ibabaw sa kabukiran, ug nagpasipala kanako ibabaw sa kabungtoran, sukdon nako diha sa ilang sabakan ang bayad alang sa mga nabuhat sa una.”

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

Jeremias 2:7

Ug gidala ko kamo ngadto sa usa ka mabungahon nga yuta, aron sa pagpahimulos sa bunga niini ug sa mga maayong butang niini. Apan sa dihang misulod kamo, inyong gihugawan ang akong yuta, ug gihimo ninyo ang akong panulundon nga usa ka dulumtanan.

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Jeremias 44:4

Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’

Jeremias 7:30

“Kay ang mga anak sa Juda nagbuhat ug daotan sa akong panan-aw, nag-ingon ang Ginoo; sila nagpahimutang sa ilang mga dulumtanan sa balay nga gitawag sa akong ngalan, aron sa paghugaw niini.

Ezequiel 11:18

Sa diha nga sila moabot didto, ilang kuhaon gikan niini ang tanang ngil-ad nga mga butang ug ang tanang mga dulumtanan niini.

Ezequiel 11:21

Apan sila nga ang kasingkasing nagsunod sa ilang mga ngil-ad nga butang ug sa ilang mga dulumtanan, silotan nako tungod sa ilang binuhatan, nag-ingon ang Ginoong Dios.”

Ezequiel 36:18

Busa akong gibubo ang akong kaligutgot diha kanila tungod sa dugo nga ilang giula diha sa yuta, tungod sa mga diosdios nga ilang gihugaw niini.

Ezequiel 5:11

Tungod niini, ingon nga ako buhi, nag-ingon ang Ginoong Dios, sa pagkamatinuod, tungod kay gihugawan ninyo ang akong balaang dapit sa tanan ninyong makapaluod nga mga butang, ug sa tanan ninyong mga dulumtanan, busa pakunhoron ko kamo. Ang akong mata dili maglaktaw, ug ako dili maluoy.

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Levitico 26:30

Ug gub-on nako ang inyong mga habog nga dapit ug tumpagon nako ang inyong mga halaran sa insenso ug ibutang nako ang inyong mga lawas nga patay ibabaw sa patay nga lawas sa inyong mga diosdios ug ang akong kalag magdumot kaninyo.

Miqueas 2:10

Tindog kamo ug lakaw, kay kini dili mao ang inyong pahulayanan; tungod sa kahugawan nga naglaglag uban sa hilabihan nga pagkalaglag.

Gipadayag 18:6

Pahamtangi ninyo siya sama sa iyang pagpahamtang ug balosi siya ug duha ka pilo sa iyang mga binuhatan: sa kupa nga iyang gisagolan, pagsagol kamo ug duha ka pilo alang kaniya.