Jeremias 16:11

Ang Biblia 2011

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Cross References

1 Mga Hari 9:9

Ug sila motubag, ‘Tungod kay sila nagsalikway sa Ginoo nga ilang Dios, nga nagdala sa ilang katigulangan gikan sa yuta sa Ehipto, ug naghupot ug laing mga dios ug nagsimba ug nag-alagad kanila, busa gipadala sa Ginoo kining tanang kadaot ngadto kanila.’ ”

2 Cronicas 7:22

Unya sila motubag, ‘Tungod kay ilang gitalikdan ang Ginoo, ang Dios sa ilang katigulangan, nga nagdala kanila gikan sa yuta sa Ehipto, ug nagbaton sila sa laing mga dios ug nagsimba kanila ug nag-alagad kanila, busa gidala niya kining kadaotan ngadto kanila.’ ”

Jeremias 13:22

Kon ikaw moingon diha sa imong kasingkasing, ‘Nganong miabot man kanako kining mga butanga?’ kini tungod sa pagkadako sa imong pagkadaotan, nga ang mga sidsid sa imong saya gibukas, ug ikaw gipanamastamasan.

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 22:9

Unya sila motubag, “Tungod kay sila misalikway sa kasabotan sa Ginoo nga ilang Dios ug nagsimba sa laing mga dios ug nag-alagad kanila.” ’ ”

Jeremias 44:3

tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Mga Pagbangotan 5:7

Ang among mga amahan nakasala ug wala na, ug among giantos ang ilang kasal-anan

Ezequiel 11:21

Apan sila nga ang kasingkasing nagsunod sa ilang mga ngil-ad nga butang ug sa ilang mga dulumtanan, silotan nako tungod sa ilang binuhatan, nag-ingon ang Ginoong Dios.”

Amos 2:4

Mao kini ang giingon sa Ginoo, “Tungod sa tulo ka kalapasan sa Juda ug tungod sa upat, dili nako bakwion ang silot; tungod kay gisalikway nila ang balaod sa Ginoo, ug wala magtuman sa iyang mga lagda, apan ang ilang kabakakan nagpahisalaag kanila, nga mao ang gisubay sa ilang mga katigulangan.

Malaquias 3:7

Sukad sa mga adlaw sa inyong mga katigulangan kamo mitipas gikan sa akong mga lagda ug wala magtuman niini. Pamalik kamo kanako ug ako mobalik nganha kaninyo, nag-ingon ang Ginoo sa mga panon. Apan kamo miingon, ‘Unsaon man namo pagbalik?’

1 Pedro 4:3

Kay igo na kadtong nangaging panahon sa pagbuhat sumala sa kabubut-on sa mga Gentil, sa paggawi diha sa pagpatuyang, sa kaulag, sa paghuboghubog, sa mapatuyangong paghudyaka, sa walay hunong nga pag-inom ug dulumtanan nga pagsimba ug mga diosdios.

Mga Maghuhukom 2:11

Ang katawhan sa Israel naghimo ug daotan diha sa panan-aw sa Ginoo ug nag-alagad sa mga Baal.