Jeremias 15:8

Ang Biblia 2011

Gipadaghan nako ang ilang mga biyuda kay sa balas sa kadagatan; sa kaudtohon gipadad-an nako ug tiglaglag ang mga inahan sa mga batan-ong lalaki; gihimo nako nga ang kasakit ug ang kalisang mahulog sa kalit kanila.

Cross References

Isaias 3:25

Ang imong mga tawo mangapukan pinaagi sa espada, ug ang imong mga tawo nga kusgan diha sa gubat.

Isaias 3:26

Ug ang iyang mga ganghaan magbangutan ug magsubo; gipanamastamasan ug magyaka sa yuta.

Isaias 4:1

Ug pito ka babaye ang mokupot sa usa ka lalaki nianang adlawa nga mag-ingon, “Magkaon kami sa among kaugalingong pan, ug magsul-ob sa among kaugalingong bisti, nganli lamang kami sa imong ngalan; kuhaa ang among kaulawan.”

Jeremias 16:3

Kay mao kini ang giingon sa Ginoo mahitungod sa mga anak nga lalaki ug sa mga anak nga babaye nga mangatawo niining dapita, ug mahitungod sa mga inahan nga manganak kanila, ug sa mga amahan nga nagpakatawo kanila dinhi niining yutaa:

Jeremias 18:21

Busa itugyan ang ilang mga anak ngadto sa gutom; itugyan sila ngadto sa gahom sa espada, himoa nga ang ilang mga asawa mawad-an ug mga anak ug mabiyuda. Mangamatay unta ang ilang kalalakin-an pinaagi sa kamatay, ang ilang batan-on mangamatay pinaagi sa mga espada diha sa gubat.

Jeremias 22:7

Mag-andam ako ug mga tiglaglag batok kanimo, ang matag usa uban ang iyang mga hinagiban; ug sila magputol sa mga pinili nimong sedro ug isalibay kini ngadto sa kalayo.

Jeremias 4:16

Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Mga Pagbangotan 5:3

Kami nahimong mga ilo, mga wala nay amahan; ang among mga inahan nahimong sama sa mga biyuda.

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Oseas 4:5

Ikaw mahisukamod sa adlawan, ang propeta usab mahisukamod uban kanimo sa kagabhion, ug laglagon nako ang imong inahan.

Lucas 21:35

kay ingon sa lit-ag, kini moabot gayod unya sa tanang nagpuyo ibabaw sa tibuok kalibotan.