Jeremias 15:7

Ang Biblia 2011

Gialig-ig nako sila pinaagi sa igpapalid diha sa mga ganghaan sa yuta; gipasubo nako sila, akong gilaglag ang akong katawhan; wala sila mobiya sa ilang mga pamaagi.

Cross References

Salmo 1:4

Dili ingon niini ang mga daotan, kondili sama sa uhot nga gipalid sa hangin.

Isaias 41:16

Ikaw magtahop kanila, ug ang hangin magpadpad niini sa layo, ug ang unos magkatag niini. Ug ikaw maglipay diha sa Ginoo; ikaw maghimaya diha sa Balaan sa Israel.

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Isaias 9:13

Ang katawhan wala modangop niadtong mihampak kanila, o mangita sa Ginoo sa mga panon.

Jeremias 18:21

Busa itugyan ang ilang mga anak ngadto sa gutom; itugyan sila ngadto sa gahom sa espada, himoa nga ang ilang mga asawa mawad-an ug mga anak ug mabiyuda. Mangamatay unta ang ilang kalalakin-an pinaagi sa kamatay, ang ilang batan-on mangamatay pinaagi sa mga espada diha sa gubat.

Jeremias 5:3

O Ginoo, wala ba magtan-aw sa kamatuoran ang imong mga mata? Ikaw naghampak kanila apan wala sila mobati ug kasubo; ikaw nag-ut-ot kanila apan sila nagdumili sa pagdawat sa pagsaway. Ilang gihimo nga ang ilang mga nawong gahi pa kay sa bato; nagdumili sila sa paghinulsol.

Jeremias 51:2

ug magpadala ako ug mga tig-alig-ig ngadto sa Babilonia, ug sila moalig-ig kaniya; sila maghabwa sa iyang yuta sa dihang moadto sila batok kanila gikan sa tanang dapit sa adlaw sa kasamok.

Jeremias 9:21

Kay ang kamatayon midangat sa atong mga bintana, misulod kini sa atong mga palasyo, nanghabas sa mga kabataan gikan sa kadalanan, ug sa mga batan-ong lalaki gikan sa mga taboan.

Ezequiel 24:21

‘Sultihi ang banay sa Israel, Mao kini ang giingon sa Ginoong Dios: Tan-awa, pasipalahan nako ang akong balaan nga dapit, ang garbo sa inyong gahom, ang kalipay sa inyong mga mata, ug ang tinguha sa inyong kalag. Ug ang inyong mga anak nga lalaki ug mga anak nga babaye nga inyong gibilin mangapukan pinaagi sa espada.

Ezequiel 24:25

“Ug ikaw, anak sa tawo, sa adlaw nga kuhaon nako gikan kanila ang ilang salipdanan, ang ilang kalipay ug himaya, ang kalipay sa ilang mga mata, ug ang mga tinguha sa ilang mga kasingkasing, ang ilang mga anak nga lalaki ug mga anak nga babaye,

Ezequiel 36:12

Akong palakton diha kaninyo ang mga tawo, ang akong katawhan nga Israel, ug sila manag-iya kaninyo, ug kamo mahimo nga ilang panulundon, ug sukad karon sila dili na nimo kuhaan ug mga anak.

Zacarias 1:4

Ayaw kamo pagpakasama sa inyong katigulangan, nga kanila ang unang propeta misinggit, ‘Mao kini ang giingon sa Ginoo sa mga panon, Balik kamo karon gikan sa inyong daotan nga mga pamaagi, ug gikan sa inyong daotan nga mga buhat.’ Apan sila wala mamati o magpatalinghog kanako, nag-ingon ang Ginoo.

Mateo 3:12

Ang iyang igpapalid anaa na sa iyang kamot, limpyohan niya ang iyang giokanan ug hiposon niya ang iyang trigo ngadto sa kamalig, apan ang mga uhot iyang sunogon sa kalayo nga walay pagkapalong.”

Deuteronomio 28:18

Matinunglo ang bunga sa inyong lawas ug ang bunga sa inyong yuta, ang tubo sa inyong mga baka ug ang mga nati sa panon sa inyong mga karnero.

Deuteronomio 28:32

Ang inyong mga anak nga lalaki ug ang inyong mga anak nga babaye itugyan ngadto sa laing katawhan samtang ang inyong mga mata magtan-aw ug mangaluya tungod sa paghandom kanila sa tibuok nga adlaw ug dili mahimo sa gahom sa inyong mga kamot ang pagsanta niini.

Deuteronomio 28:41

Manganak kamo ug mga anak nga lalaki ug mga anak nga babaye apan dili sila mainyo kay mangabihag man unya sila.