Jeremias 15:4

Ang Biblia 2011

Himoon nako sila nga kalisangan ngadto sa tanang gingharian sa yuta tungod sa gibuhat ni Manases nga anak ni Hesekias, hari sa Juda, didto sa Jerusalem.

Cross References

2 Mga Hari 21:1

Si Manases napulo ug duha ka tuig ang panuigon sa pagsugod niya sa paghari ug siya naghari sulod sa 55 ka tuig sa Jerusalem. Ang ngalan sa iyang inahan mao si Hefsiba.

2 Mga Hari 21:15

tungod kay gibuhat nila ang daotan sa akong atubangan ug gihagit ako sa pagkasuko, sukad niadtong adlaw nga ang ilang katigulangan migawas gikan sa Ehipto, hangtod niining adlawa.”

2 Mga Hari 21:2

Ug gihimo niya ang daotan sa atubangan sa Ginoo, sumala sa dulumtanang mga buhat sa mga nasod nga gisalikway sa Ginoo gikan sa atubangan sa katawhan sa Israel.

2 Cronicas 33:1

Si Manases 20 ka tuig ang panuigon sa iyang pagsugod sa paghari ug siya naghari sulod sa 55 ka tuig didto sa Jerusalem.

2 Cronicas 33:2

Siya nagbuhat ug daotan diha panan-aw sa Ginoo sunod sa mga dulumtanan nga buhat sa mga nasod nga gihinginlan sa Ginoo gikan sa atubangan sa katawhan sa Israel.

Jeremias 24:9

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Jeremias 29:18

Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila,

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Jeremias 9:16

Katagon nako sila didto sa kanasoran nga wala nila mailhi o sa ilang mga katigulangan. Ug padad-an nako sila ug espada sunod kanila hangtod nga mapuo nako sila.”

Mga Pagbangotan 1:8

Ang Jerusalem nakasala ug dako busa siya nahimong talamayon; ang tanan nga nagpasidungog kaniya nagbiaybiay kaniya, kay nakita nila ang iyang pagkahubo; Oo, siya nag-agulo, ug gilingiw ang iyang nawong.

Ezequiel 18:19

“Apan kamo nag-ingon, ‘Ngano man nga ang anak dili magpas-an sa kasal-anan sa amahan?’ Sa diha nga ang anak magbuhat unsay subay sa Balaod ug sa matarong ug magtuman sa tanan nakong mga lagda ug magbuhat niini, siya mabuhi gayod.

Ezequiel 23:46

Kay mao kini ang giingon sa Ginoong Dios: “Pagdala ug usa ka panon batok kanila ug himoa sila nga lisangonon ug ilogonon.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

Deuteronomio 28:64

Ug ang Ginoo magpatibulaag kaninyo sa taliwala sa tanang katawhan, gikan sa usa ka tumoy sa yuta ngadto sa pikas ug didto mag-alagad kamo sa lain nga mga dios nga hinimo sa kahoy ug bato nga wala mailhi ninyo o sa inyong katigulangan.