Jeremias 15:11

Ang Biblia 2011

Busa itugot, O Ginoo, kon wala ako magpakiluoy kanimo alang sa ilang kaayohan, kon wala ako maghangyo kanimo alang sa kaaway panahon sa kasamok ug panahon sa kaguol!

Cross References

Salmo 106:46

Gihimo niya sila nga kaluy-an niadtong tanan nga nagdala kanila nga binihag.

Salmo 138:3

Sa adlaw nga ako nagsangpit, ikaw mitubag kanako, ang kusog sa akong kalag imong gilig-on.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Ecclesiastes 8:12

Bisan pa ug ang makasasala nagbuhat ug daotan sa makagatos ug nagpalugway sa iyang kinabuhi, apan sa pagkatinuod ako nasayod nga may kaayohan alang niadtong may kahadlok sa Dios, kay sila nahadlok sa iyang atubangan;

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Jeremias 21:2

“Pagpakisayod sa Ginoo alang kanamo kay si Nabucodonosor nga hari sa Babilonia nakiggubat batok kanamo; basin pa ug ang Ginoo maghimo kanamo sumala sa tanan niyang mga kahibulongang buhat ug magpasibog kaniya gikan kanamo.”

Jeremias 37:17

si Hari Zedekias mipakuha kaniya ug gidawat siya. Ang hari mihilom pagpangutana kaniya diha sa iyang balay ug miingon, “Aduna bay pulong gikan sa Ginoo?” Si Jeremias miingon, “Aduna.” Unya miingon siya, “Itugyan ikaw ngadto sa kamot sa hari sa Babilonia.”

Jeremias 37:3

Unya si Hari Zedekias nagpadala kang Jehukal nga anak ni Selemias ug kang Zefanias nga pari nga anak ni Maasias ngadto kang Jeremias nga propeta, nga nag-ingon, “Pag-ampo alang kanamo ngadto sa Ginoo nga atong Dios.”

Jeremias 38:14

Unya si Hari Zedekias mipakuha kang Jeremias nga propeta ug gidawat kini sa ikatulong ganghaan nga diha sa Templo sa Ginoo. Ang hari miingon kang Jeremias, “Mangutana ako kanimo ug usa ka butang, ayaw pagtago ug bisan unsa gikan kanako.”

Jeremias 42:2

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,