Jeremias 15:1

Ang Biblia 2011

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Cross References

Genesis 19:27

Si Abraham, nianang sayo sa buntag, mitungas sa bukid sa dapit diin siya mitindog sa atubangan sa Ginoo,

2 Mga Hari 17:20

Ug gisalikway sa Ginoo ang tanang kaliwat sa Israel ug gisakit sila ug gitugyan ngadto sa kamot sa mga mamimihag, hangtod nga gipalayo niya sila gikan sa iyang panan-aw.

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Salmo 99:6

Si Moises ug si Aaron iyang mga pari, si Samuel lakip kanila nga nagsangpit sa iyang ngalan. Nagsangpit sila sa Ginoo, ug siya mitubag kanila.

Mga Panultihon 14:35

Ang ulipon nga nagmaalamon makabaton sa kahimuot sa hari, apan ang iyang kaligutgot anaa niadtong nagbuhat ug kaulawan.

Jeremias 10:18

Kay mao kini ang giingon sa Ginoo, “Tan-awa, saplongon nako ang mga nagpuyo sa yuta niining taknaa, ug padad-an nako sila ug kagul-anan, aron sila mobati niini.”

Jeremias 11:14

“Busa ayaw pag-ampo alang niini nga katawhan, o magpatugbaw ug pagpakitabang o pag-ampo alang kanila kay dili ako mamati sa diha nga sila magsangpit kanako panahon sa ilang kalisdanan.

Jeremias 14:11

Miingon ang Ginoo kanako: “Ayaw pag-ampo alang sa kaayohan niini nga katawhan.

Jeremias 14:12

Bisan pa ug magpuasa sila, dili ako mamati sa ilang pagtuaw ug bisan pa ug maghalad sila ug halad nga sunogon ug halad nga pagkaon, dili ako modawat niini apan puohon nako sila pinaagi sa espada, pinaagi sa gutom ug pinaagi sa kamatay.”

Jeremias 15:19

Busa mao kini ang giingon sa Ginoo: “Kon mobalik ikaw kanako, ipahiuli ko ikaw, ug magtindog ikaw sa akong atubangan. Kon imong litokon ang bililhon, ug dili ang walay pulos, mahimo ikaw ingon nga akong baba. Sila mobalik kanimo, apan ikaw dili mobalik ngadto kanila.

Jeremias 16:13

busa hinginlan ko kamo gikan niining yutaa ngadto sa yuta nga wala mahibaloi ninyo ug sa inyong mga katigulangan, ug didto mag-alagad kamo sa laing mga dios adlaw ug gabii kay ako dili magpakita kaninyo ug kaluoy.’

Jeremias 16:5

“Kay mao kini ang giingon sa Ginoo: Ayaw pagsulod sa balay nga adunay pagbangutan o moadto ka aron sa pagbakho o magminatay alang kanila; kay gikuha na nako ang akong pakigdait gikan niini nga katawhan, ang akong gugmang walay paglubad ug kaluoy, nag-ingon ang Ginoo.

Jeremias 18:20

Ang daotan balos ba sa maayo? Apan sila nagkalot ug gahong alang sa akong kalag. Hinumdomi nga ako mitindog sa imong atubangan aron sa pagsulti ug maayo alang kanila, aron ipalikay ang imong kaligutgot gikan kanila.

Jeremias 22:28

Kining tawhana nga si Conias usa ba ka tinamay nga nabuak nga sudlanan, usa ba ka sudlanan nga walay nagtagad? Ngano man nga gihinginlan siya ug ang iyang mga anak, ug gisalibay ngadto sa yuta nga wala nila mailhi?

Jeremias 23:39

busa tan-awa, alsahon ko gayod kamo ug ilabay gikan sa akong atubangan, ikaw ug ang siyudad nga gihatag nako kaninyo ug sa inyong mga katigulangan.

Jeremias 35:19

busa mao kini ang giingon sa Ginoo sa mga panon, ang Dios sa Israel: Si Jonadab nga anak ni Rekab dili makabsan ug tawo nga motindog sa akong atubangan.”

Jeremias 52:3

Tungod sa kasuko sa Ginoo nahitabo gayod ang mga butang didto sa Jerusalem ug sa Juda, nga tungod niana gihinginlan niya sila gikan sa iyang atubangan. Ug si Zedekias misukol batok sa hari sa Babilonia.

Jeremias 9:19

Kay ang usa ka tingog sa pagminatay nadungog gikan sa Zion: ‘Nagun-ob gayod kita! Naulawan gayod kita pag-ayo, tungod kay gibiyaan nato ang yuta, tungod kay gipukan nila ang atong mga pinuy-anan.’ ”

Ezequiel 14:14

bisan pa ug kining tulo ka tawo, si Noe, si Daniel ug si Job anaa niini, sila makaluwas lamang sa ilang kaugalingong kinabuhi pinaagi sa ilang pagkamatarong, nag-ingon ang Ginoong Dios.

Ezequiel 22:30

Ug gipangita nako ang tawo sa ilang taliwala nga magtukod sa kuta ug motindog diha sa buho sa atubangan nako alang sa yuta, aron dili nako kini laglagon; apan ako walay nakaplagan.

Oseas 9:15

Ang tanan nilang pagkadaotan atua sa Gilgal; didto nagsugod ako sa pagdumot kanila. Tungod sa pagkadaotan sa ilang mga binuhatan hinginlan nako sila gikan sa akong balay. Dili na ako mahigugma kanila; ang tanan nilang mga pangulo mga masupilon.

Zacarias 3:3

Karon si Josue nagtindog atubangan sa anghel, nagsul-ob ug hugaw nga mga bisti.

Deuteronomio 9:26

Ug nag-ampo ako ngadto sa Ginoo, ‘O Ginoong Dios, ayaw laglaga ang imong katawhan ug ang imong panulundon nga imong giluwas pinaagi sa imong pagkagamhanan, nga imong gikuha gikan sa Ehipto pinaagi sa gamhanang kamot.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

Mga Maghuhukom 5:9

Ang akong kasingkasing atua sa mga tigmando sa Israel, nga naghatag sa ilang kaugalingon sa kinabubut-on taliwala sa katawhan Dayega ninyo ang Ginoo,

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.

1 Samuel 7:9

Busa si Samuel mikuha ug usa ka nagsuso pa nga nating karnero ug gihalad kini ingon nga usa ka tibuok nga halad nga sunogon ngadto sa Ginoo. Ug si Samuel nag-ampo sa Ginoo alang sa Israel ug gitubag siya sa Ginoo.