Jeremias 13:13

Ang Biblia 2011

Unya sultihi sila, ‘Mao kini ang giingon sa Ginoo: Tan-awa, akong pun-on sa kahubog ang tanang nagpuyo niining yutaa: ang mga hari nga naglingkod sa trono ni David, ang mga pari, ang mga propeta, ug ang tanang nagpuyo sa Jerusalem.

Cross References

Salmo 60:3

Gipaantos nimo ang imong katawhan sa mga kalisdanan; gipainom nimo kami sa bino nga makabarag kanamo.

Salmo 75:8

Kay diha sa kamot sa Ginoo adunay usa ka kupa, nga may bino nga nagbula, maayong pagkasagol; ug gikan niini maghuwad siya ug kapaitan, ug ang tanan nga daotan sa kalibotan mohurot niini hangtod sa mga linugdang.

Isaias 29:9

Pakurati ang inyong kaugalingon ug kakugang, butai ang inyong kaugalingon ug pagpakabuta! Paghubog, apan dili sa bino; pagsusapinday, apan dili sa isog nga ilimnon!

Isaias 49:26

Ang nagdaogdaog kanimo pakan-on nako sa ilang kaugalingong unod, ug sila mangahubog sa ilang kaugalingong dugo ingon sa bino. Unya ang tananng unod masayod nga ako mao ang Ginoo nga imong Manluluwas, ug imong Manunubos, ang Gamhanan ni Jacob.”

Isaias 51:17

Pagmata, pagmata, tindog, O Jerusalem, ikaw nga nakainom diha sa kamot sa Ginoo sa kupa sa iyang kaligutgot, ikaw nga nakainom sa linugdang sa panaksan sa pagpasapinday.

Isaias 51:21

Busa pamatia kini, ikaw nga sinakit, nga hubog, apan dili sa bino:

Isaias 63:6

Gitumban nako ang mga katawhan diha sa akong kasuko, gipainom nako sila diha sa akong kaligutgot, ug gipabanaw nako ang ilang dugo diha sa yuta.”

Jeremias 13:12

“Busa isulti kanila kining pulonga: ‘Mao kini ang giingon sa Ginoo, ang Dios sa Israel, “Ang tanang tadyaw kinahanglang pun-on sa bino.” ’ Ug sila moingon kanimo, ‘Wala ba kami masayod nga ang tanang tadyaw kinahanglang pun-on sa bino?’

Jeremias 25:27

“Unya ikaw moingon kanila, ‘Mao kini ang giingon sa Ginoo sa mga panon, ang Dios sa Israel: Panginom kamo ug paghubog ug pagsuka ug pangatumba, ug ayaw pagbangon tungod sa espada nga akong gipadala nganha kaninyo.’

Jeremias 25:29

Kay tan-awa, ako nagsugod sa pagbuhat ug kadaot sa siyudad nga gitawag sa akong ngalan, ug dili ba silotan gayod kamo? Dili gayod mahimo nga dili kamo silotan kay ako nagpadala ug espada batok sa tanang nagpuyo sa yuta, nag-ingon ang Ginoo sa mga panon.’

Jeremias 51:57

Hubgon nako ang iyang mga pangulo ug ang iyang mga maalamong tawo, ang iyang mga gobernador, ang iyang mga tigmando ug ang iyang mga manggugubat; sila mangatulog sa dayong pagkatulog ug dili momata, nag-ingon ang Hari nga ang ngalan si Yahweh sa mga panon.

Jeremias 51:7

Ang Babilonia usa ka kupa nga bulawan diha sa kamot sa Ginoo, nga nakapahubog sa tibuok nga yuta; ang mga nasod nakainom sa iyang bino, busa ang mga nasod nangabuang.

Habacuc 2:16

Ikaw mapuno sa pagkatinamay ug dili sa himaya. Inom, ug pagsusapinday. Ang kupa nga anaa sa tuong kamot sa Ginoo molibot nganha kanimo, ug ang kaulaw motabon sa imong himaya!