Jeremias 12:6

Ang Biblia 2011

Kay bisan ang imong mga igsoon, ug ang balay sa imong amahan nagmabudhion kanimo; sila nagsinggit ug kusog batok kanimo; ayaw pagtuo kanila, bisan kon sila mosulti kanimo ug mga maayong pulong.”

Cross References

Job 6:15

Ang akong kaigsoonan mga malimbongon sama sa usa ka sapa, sama sa tubig sa kasapaan nga mahanaw,

Salmo 12:2

Ang matag usa nagsulti ug bakak ngadto sa iyang silingan; uban sa ngabil nga nag-ulog-ulog ug sa kasingkasing nga palingpaling, sila nagsulti.

Salmo 12:3

Putlon unta sa Ginoo ang tanang mga ngabil nga nag-ulog-ulog, ang dila nga nagsulti ug mga dagkong pagpangandak,

Salmo 69:8

Nahimo ako nga dumuduong ngadto sa akong kaigsoonan, usa ka langyaw ngadto sa mga anak sa akong inahan.

Mga Panultihon 23:8

Imong isuka ang gamay nimong nakaon, ug usikan ang imong maayong mga pulong.

Mga Panultihon 26:25

sa diha nga siya magsulti ug maayo ayaw siya tuohi, kay adunay pito ka dulumtanan diha sa iyang kasingkasing;

Isaias 31:4

Kay kini mao ang gisulti sa Ginoo kanako, Ingon nga ang usa ka liyon o ang itoy sa liyon magngulob tungod sa iyang tinukob, ug sa diha nga ang usa ka panon sa mga tigbantay sa karnero tawgon batok kaniya, dili siya mahadlok sa ilang tingog o malisang tungod sa ilang kagahob, mao usab ang Ginoo sa mga panon manaog aron sa pagpakig-away diha sa bukid sa Zion ug sa bungtod niini.

Jeremias 11:19

Apan ako sama sa usa ka malumo nga nating karnero nga gidala ngadto sa ihawan. Wala ako masayod nga batok kanako sila naglaraw, nga nag-ingon, “Atong laglagon ang kahoy uban ang bunga niini, putlon nato siya gikan sa yuta sa mga buhi, aron ang iyang ngalan dili na mahinumdoman.”

Jeremias 11:21

Busa mao kini ang giingon sa Ginoo mahitungod sa mga tawo sa Anatot, nga nagtinguha sa imong kinabuhi nga nag-ingon, “Ayaw pagpropesiya pinaagi sa ngalan sa Ginoo aron dili ikaw mamatay pinaagi sa among kamot.”

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 9:2

Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Jeremias 9:3

Ilang gibawog ang ilang mga dila sama sa pana; ang kabakakan ug dili ang kamatuoran maoy nalig-on diha sa yuta; kay sila nagpadulong gikan sa kadaotan ngadto sa kadaotan, ug sila wala makaila kanako, nag-ingon ang Ginoo.

Jeremias 9:4

Pabantaya ang matag usa sa iyang silingan ug ayaw kamo pagsalig ni bisan kinsang igsoon; kay ang matag igsoon limbongan, ug ang matag silingan molibot ingon nga usa ka tigpanaot.

Jeremias 9:5

Ang matag usa naglimbong sa iyang silingan, ug walay misulti sa matuod; ilang gitudloan ang ilang dila sa pagsulti ug mga bakak ug sila nagbuhat ug kasal-anan ug luya sa paghinulsol.

Mateo 10:21

Ang igsoon magtugyan sa iyang igsoon ngadto sa kamatayon ug ang amahan sa iyang anak ug ang mga anak mosukol sa ilang mga ginikanan ug ipapatay sila.

Marcos 12:12

Unya misulay sila sa pagdakop kaniya, apan nahadlok sila sa daghang katawhan, kay nakasabot man sila nga batok kanila ang sambingay nga gisugilon niya. Busa mibiya sila kaniya ug nanglakaw.

Juan 7:5

Kay bisan ang iyang mga igsoon wala man motuo kaniya.

Mga Buhat 16:22

Ang panon sa katawhan mihasmag kanila ug ang mga maghuhukom migisi sa ilang mga bisti ug misugo sa pagpabunal kanila.

Mga Buhat 18:12

Apan sa diha nga si Galio mao ang gobernador sa Acaya, ang mga Judio naghimo ug hiniusa nga pagsulong kang Pablo ug gidala siya ngadto sa hukmanan